ولاريل بيت المقدس-19اپريل(اي پي پي)انساني حقن بابت فلسطيني ڪميٽي انڪشاف ڪيو آهي ته غزه ۾ 13 هزار 902 ماڻهو هيپاٽائٽس اي جو شڪار ٿي چڪا آهن.ڪميٽي موجب محدود ايراضي تي غير معمولي آبادي صفائي جي گهٽتائي،مناسب رهائش جي اڻهوند ۽ صحت جي حوالي سان ناڪافي ضرورتن سبب هيپاٽائٽس جو شڪار ڪيترائي ماڻهو اجل جو شڪار ٿي چڪا آهن.اسرائيلي بمباري کان بچي ويل 1.7 ملين ماڻهو انتهائي گهٽ ايراضي تي قائم پناه گاهن ۾ ڦاٿل آهن جٿي زندگي جون بنيادي ضرورتون نه هجڻ جي برابر آهن.17 آڪٽوبر کان وٺي هن وقت تائين غزه جون 65 سيڪڙو عمارتون تباه ٿي چڪيون آهن. ٻئي پاسي فلسطين جي صحت واري وزارت چيو آهي ته صحت سان لڳاپيل ادارن ۾ دورائن جي کوٽ سبب ٽي لک 50 هزار مريض مسئلن جو شڪار آهن،انهن ۾ اهڙا مريض به شامل آهن جن کي ڪينسر آهي ۽ انهن جي علاج لاءِ دوائون نه آهن.