اسلام آباد۔28ستمبر (اے پی پی):سینیٹر محمد اسحاق ڈار وفاقی وزیر خزانہ دی حیثیت نال حلف چا ڳھدا ، حلف برداری دی پروقار تقریب ٻدھ کوں اتھاں ایوان صدر اچ منعقد تھئی ، صدر مملکت ڈاکٹر عارف علوی انہاں توں حلف ڳھدا۔ حلف برداری دی تقریب اچ وزیراعظم محمد شہباز شریف، وفاقی وزرا ، وزیراعظم دے معاونین خصوصی، ارکان پارلیمنٹ، سول و فوجی افسران اتے مسلم لیگ(ن) دے رہنماواں سودھے سیاسی عمائدین وݙی تعداد اچ شرکت کیتی ۔