راوی اربن ڈویلپمنٹ اتھارٹی اتے سنٹرل بزنس ڈسٹرکٹ والٹن لاہور دے ماحولیاتی توازن اتے بہتری کیتے ٻہوں اہمیت دے حامل منصوبے ہن ، وزیراعظم عمران خان

اسلام آباد۔4مارچ (اے پی پی):وزیراعظم عمرا ن خان آکھیے جو راوی اربن ڈویلپمنٹ اتھارٹی اتے سنٹرل بزنس ڈسٹرکٹ والٹن لاہور دے ماحولیاتی توازن اتے بہتری کیتے ٻہوں اہمیت دے حامل منصوبے ہن۔ اے ڳالھ انہاں جمعے کوں راوی اربن ڈویلپمنٹ اتھارٹی اتے سنٹرل بزنس ڈسٹرکٹ والٹن لاہور دے منصوبیں تے پیشرفت داجائزہ گھنݨ کیتے منعقدہ اجلاس دی صدارت کریندے ہوئیں آکھی اے ۔ وزیراعظم آکھیے جو ملک دی تاریخ اچ پہلی واری انہاں منصوبیں دے ذریعے وسائل کوں صحیح طریقے استعمال کیتا ویندا پئے۔ اے منصوبے ایں لحاظ نال مثالی ہوسن جو انہاں دے ذریعے وݙے پیمانے تے سرمایہ کاری آسی ۔ ایندے توں پہلے راوی اربن ڈویلپمنٹ اتھارٹی دے چیف ایگزیکٹو آفیسر عمران امین وزیراعظم کوں منصوبے تے پیشرفت بارے ݙسایا ۔ اجلاس اچ وزیر مملکت اطلاعات فرخ حبیب ، وزیراعظم دے معاون خصوصی ڈاکٹر شہباز گل، وزیراعلیٰ پنجاب سردار عثمان بزدار ، چیئرمین نواں پاکستان ہائوسنگ اینڈ ڈویلپمنٹ اتھارٹی لیفٹیننٹ جنرل (ر) انور علی حیدر ، راوی اربن ڈویلپمنٹ اتھارٹی دے سی ای او عمران امین اتے متعلقہ سینئر حکام شرکت کیتی جݙاں جو مقامی حکومتاں دے صوبائی وزیر محمود الرشید، وزیراعلیٰ پنجاب دے مشیر ڈاکٹر سلمان شاہ، پنجاب حکومت دے ترجمان حسان خاور اتے پنجاب دے متعلقہ حکام وڈیو لنک دے ذریعے شرکت کیتی۔

مضمون کا ماخذ : الوہا کلسٹر ادائیگی کرتا ہے۔

متعلقہ مضامین