لاهور – 02 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان پنجاب ۾ ٻارن سان زيادتي، پورنوگرافي ۽ ريپ جي وڌندڙ واقعن کي روڪڻ جو ٽاسڪ ڏئي ڇڏيو آهي. وزيراعليٰ هائوس ۾ پنجاب جي وڏي وزير سردار عثمان بوزدار سان گڏ ميڊيا کي بريفنگ ڏيندي هن چيو ته وزيراعظم انسپيڪٽر جنرل پوليس پنجاب کي گهٽ ۾ گهٽ وقت ۾ ٻارن سان زيادتي جي ڏوهن تي ضابطو آڻڻ جي لاءِ سخت ترين قدم کڻڻ جو ٽاسڪ ڏنو آهي.