سارے مکاتب فکر دے علماء و مشائخ دی کانفرنس: بنیادی اسلامی اقدار، اصولاں دے مطابق پروپیگنڈے، جعلی خبراں اتے غلط معلومات روکݨ کیتے فعال کردار دا عزم

APP33-080824 ISLAMABAD: August 08 – Prime Minister Muhammad Shehbaz Sharif and Cheif of Army Staff General Syed Asim Munir NI (M) attending the National Ulema & Mashaikh Conference. APP/MAF/FHA

اسلام آباد۔8اگست(اے پی پی)مختلف مکاتب فکر دے معروف علماء و مشائخ دا قومی علما کنونشن کنونشن سنٹر اسلام اباد اچ تھئے جیندے اچ معاشرے نال نفرت اتے تشدد مکاوݨ دی آقاہی سانڳے علماء دے اہم کردار کون منیندے ہوئے علمائے کرام اتے مشائخ کوں آکھیا ڳئے جو او بنیادی اسلامی اقدار اتے اصولاں دے مطابق پروپیگنڈے، جعلی خبراں اتے غلط معلومات روکݨ کیتے کردار ادا کرن۔ کانفرنس دے مہمان خصوصی وزیراعظم محمد شہباز شریف ہن ڄݙاں جو آرمی چیف جنرل سید عاصم منیر مہمان اعزاز ہن۔ کانفرنس نال خطاب اچ وزیر اعظم محمد شہباز شریف زور ݙتے جو اسلام امن دا مذہب اے اتے امن اسلام دی بنیاد اے ڄیرھا ساکوں بقائے باہمی سکھیندے، ساکوں انہاں اقدار کوں ودھاوݨا ہوسی۔ انہاں آکھیا جو پاکستان محبت، ہمدردی اتے قبولیت دے اصولاں تے کھڑے، مختلف ثقافتاں، مذاہب اتے نسلوں دا ساݙا گلدستہ ہی ساݙی طاقت اے، ساکوں اپݨے ڄھیرے سمڄھدے ہوئے اپݨی نویکلی سنڄاݨ دا جشن مناوݨا چاہیدے۔ وزیراعظم بہادر سکیورٹی فورسز اتے قانون نافذ کرݨ آلے اداریاں کوں خراج تحسین پیش کریندے آکھیے جو مادر وطن کیتے جاناں وارݨ آلیاں کوں سلام کریندے ہیں، اساں اپݨے شہیداں دی قربانیاں دا ماݨ کریندے ہیں، علمائے کرام اتے مشائخ معاشرے اچ امن اتے بھرا بھرپی کیتے اڳو تے آون، نوجواناں دی قرآن و سنت دی تفہیم اتے کردار سازی دے نال نال تعلیم و تکنیکی مہارتاں دو رہنمائی سانڳے کردار کیتا ونڄے۔ اپݨے خطاب اچ آرمی چیف جنرل سید عاصم منیر آکھیا جو اساں اپݨی سرزمین توں دہشت گردی مکاوݨ کیتے ہک مٹھ ہیں، اساں انتہا پسندی، تشدد اتے خوف و ہراس کھنݙاوݨ برداشت نا کریسوں، من گھڑت نظریات ڄیڑھے ساکوں آپت اچ نکھڑیندن کوں نا ودھݨ ݙتا ویسی، بے دردی نال قتل و غارت دا ساکون ݙراوݨ اے اتے فتنہ الخوارج دے غیر انسانی ہتھکنڈے ڄیڑھے ساݙے جذبے کوں تروڑݨ دی کوشش کریندن دی مذݨت کیتی اے۔ آرمی چیف آکھیا جو آئو اساں ہک اینڄھے پاکستان کیتے جدوجہد کروں جتہاں ہر کوئی امن و خوشحالی نال اڳو تے ودھ سڳے، اساں ہک قوم، ہک عوام ہیں اتے رل تے عظمت ڳھن سڳدے ہیں۔ انہاں امن، رواداری اتے شمولیت ودھاوݨ، انتہا پسند بیانیے دا مقابلہ کرݨ اتے معاشرے اچ نفرت و تشدد مکاوݨ کیتے آگاہی سانڳے علماء دے اہم کردار دی تعریف کیتی۔ کانفرنس متفقہ طور تے بھارت دے غیر قانونی زیر قبضہ جموں و کشمیر اچ کشمیریاں دے خلاف جاری مظالم اتے غزہ اچ جاری غیر انسانی تنازعہ تے کوڑیندے ہوئے ایکوں انسانیت دے خلاف جرائم قرار ݙتے۔

مضمون کا ماخذ : لاٹری جیتنے کے طریقے

متعلقہ مضامین