گھاٹے اچ چلݨ آلے وݙے سرکاری اداریں دی نجکاری کیتی ویسی ، فواد حسن فواد

اسلام آباد۔5اکتوبر(اے پی پی) نگران وفاقی وزیر نجکاری فواد حسن فواد آکھیے گھاٹے اچ چلݨ آلے وݙے سرکاری اداریں دی نجکاری کیتی ویسی ، آپریشنل کارکردگی کوں چنڳاں بݨاوݨ سانڳے پی آئی اے دی نجکاری ناگزیر اے۔نگران وفاقی وزیر نجکاری فواد حسن فواد خمیس کوں حکومت دے پکے عزم دا اظہار کیتے جو گھاٹے اچ چلݨ آلے وݙے سرکاری اداریں دی نجکاری کیتی ویسی تاں جو قومی وسائل دے وݙے مالیاتی گھاٹے توں بچݨ دے نال نال انہاں دے کم کرݨ دی استعداد کوں ودھایا ونڄ سڳے ۔ فواد حسن فواد عالمی بینک دے کنٹری ہیڈ ناجی بین ہسین نال ملاقات کیتی تے نگران حکومت دے نجکاری دے سٹریٹجک ایجنڈے تے ڳالھ مہاڑ کیتی جیں اچ پاکستان انٹرنیشنل ایئر لائنز (پی آئی اے) دی نجکاری اتے ڈسٹری بیوشن کمپنیاں (ڈیسکوز) دی کارکردگی کوں چنڳاں بݨاوݨ تے توجہ ݙتی ڳئی اے ۔پریس ریلیز موجب ایں سانجھی کوشش دا مقصد انہاں اداریں دے ذریعے تھیوݨ آلے مالی ضیان دا ازالہ کرݨا اے اتے ایویں حکومت تے پووݨ آلے مالی ٻوجھ کوں گھٹ کرݨا اے ۔وفاقی وزیر آکھیے وفاقی حکومت بشمول سول بیوروکریسی، عسکری قیادت اتے سیاسی سٹیک ہولڈرز تے مشتمل ایس آئی ایف سی دی ایپکس کمیٹی متفقہ طور تے وݙے گھاٹے اچ چلݨ آلے سرکاری اداریں دی نجکاری شروع کرݨ تے اتفاق کیتے جیڑھے جو پہلے ہی نجکاری فہرست اچ شامل ہن ۔انہاں آکھیے پی آئی اے اپݨے مسلسل اتے حیران کن مالی گھاٹے پاروں نجکاری سانڳے اولین ترجیح بݨ تے ابھریے ، جیں دی گھاٹے دی رقم ارباں روپے سالانہ اے۔ ۔فواد حسن فواد پی آئی اے دی نجکاری دے منصوبے دے خاکہ دی وضاحت کریندے ہوئیں ایں کوشش دے ابتدائی مرحلے اچ عالمی بینک اتے ٻئے مالیاتی اداریں رلاوݨ دے حکومتی ارادے دا اظہار کیتے۔

مضمون کا ماخذ : ولف گولڈ

متعلقہ مضامین