پاکستان اتے نائجیریا وچال دفاع ، سکیورٹی اتے انسداد دہشت گردی دے شعبیاں اچ ودھدا ہوئیا تعاون قابل تعریف اے، وزیراعظم عمران خان دی نائیجیریا دے وزیر دفاع نال ملاقات اچ ڳالھ مہاڑ

اسلام آباد۔18مارچ (اے پی پی) وزیراعظم عمران خان آکھیا جو پاکستان اتے نائجیریا وچال دفاع ، سکیورٹی اتے انسداد دہشت گردی دے شعبیاں اچ ودھدا ہوئیا تعاون قابل تعریف اے۔ جمعے کوں وزیراعظم آفس دے میڈیا ونگ توں جاری بیان موجب نائیجیریا دے وزیردفاع میجر جنرل (ر) بشیر صالحی میگاشی وزیراعظم نال ملاقات کیتی۔ ایں موقع تے وزیراعظم سانجھی تاریخ، ثقافت اتے اقتدار کوں اجاگر کریندیں ہوئیں ݙو پاسہ تعلقات دی مضبوطی دی تعریف کیتی۔ افریقہ اچ مارچ 2020 توں نائیجیریا دی معیشت دی ٹاپ پوزیشن سنبھالݨ تے تعریف کریندیں ہوئیں ݙو پاسہ تجارتی اتے کاروباری تعلقات کوں ودھاوݨ تے زور ݙتا۔ اقوام متحدہ دے امن مشنز ولوں افریقہ اچ امن دے ودھارے کیتے پاکستان دی دیرینہ خدمات اتے شراکت کوں اجاگر کریندیں ہوئیں وزیراعظم انگیج افریقہ ‘‘دی آپݨی پالیسی بارے ݙسیا جئیں دا مقصد سفارتی تعلقات کوں ودھاوݨ اتے براعظم افریقہ نال تجارت اتے سرمایہ اکری اچ سانجھے داری کوں اڳوں ودھاوݨ شامل اے۔ وزیراعظم ، اقوام متحدہ دی جنرل اسمبلی توں 15 مارچ کوں اسلامو فوبیا دے تدارک دے جڳ ݙیھاڑ دے طور مناوݨ دی تاریخی قرارداد دی متفقہ منظوریہ دی تعریف کیتی۔ وزیراعظم ایں موقع تے نائیجیریا دے صدر محمد بخاری نال تھیوݨ آلی ٹیلیفونک ڳالھ مہاڑ دا حوالہ ݙیندیں ہوئیں توقع کیتی جو او جلدی موقع ملݨ تے پاکستان اچ انہاں دا خیر مقدم کریسن۔

مضمون کا ماخذ : غالب افریقہ

متعلقہ مضامین