وزیراعظم محمد شہباز شریف نال تاجکستان دے وزیر اعظم کوہر رسول زادہ دی ݙوپاسہ ملاقات

اسلام آباد۔15اکتوبر (اے پی پی) وزیراعظم محمد شہباز شریف نال تاجکستان دے وزیر اعظم کوہر رسول زادہ دی ݙوپاسہ ملاقات کیتی۔ منگل کوں وزیر اعظم آفس دے میڈیا ونگ توں جاری پریس ریلیز موجب شنگھائی تعاون تنظیم دے سربراہانِ حکومت دے اجلاس دے موقع تے تھیوݨ آلی ایں ملاقات اچ وزیراعظم محمد شہباز شریف ایس سی او ،سی ایچ جی دے سالانہ اجلاس اچ تاجکستان دی فعال اتے تعمیری شرکت دی تعریف کریندیں ہوئیں آکھیا جو بطور برادر ملک اتے علاقائی سانجھے دار، پاکستان اتے تاجکستان وچال دوستی اتے تعاون دا پائیدار رشتہ اے۔ وزیراعظم ایں سال جولائی اچ دوشنبہ دے آپݨے نتیجہ خیز دورے دا وی ذکر کیتا اتے ݙوپاسہ آپسی تعلقات دی مثبت سدھ تے اطمینان کیتا۔ انہاں زور ݙتا جو ݙوہیں ملکاں کوں سانجھے فیدے دے سارے شعبیاں خصوصی طور تجارت، سرمایہ کاری، توانائی اتے علاقائی رابطے دے شعبیاں اچ قریبی اتے آپسی فیدے کوں مستحکم کرݨ دی لوڑھ اے۔ تاجک وزیرِ اعظم کوہر رسول زادہ شنگھائی تعاون تنظیم دی چیئر دی حیثیت نال پاکستان ولوں کامیاب اجلاس کراوݨ تے انہاں کوں مبارخ ݙتی۔ انہاں تاجک وفد اتے ٻئے شریک وفود دے پرتپاک استقبال اتے شاندار مزمان نوازی تے پاکستان دا شکریہ ادا کیتا۔ وزیراعظم شہباز شریف کوں تاجکستان دے صدر امام علی رحمن ولوں نیک تمناواں دا سنیھا ݙیندیں ہوئیں کو ہر رسول زادہ آکھیا جو تاجکستان اتے پاکستان وچال تعاون دے استعداد موجود اے جئیں توں فیدہ چاوݨ کیتے تاجکستان، پاکستان نال رَل تے کم کرݨ کیتے پرعزم اے۔ تاجک وزیراعظم وزیرِ اعظم محمد شہباز شریف اتے حکومت پاکستان دا تاجکستان کوں پاکستان توں کھنݙ برآمد کرݨ دی موکل تے شکریہ ادا کیتا اتے آکھیاجو اے ݙوہیں ملکاں وچال تجارت کوں ودھیسی۔

مضمون کا ماخذ : jogos de loteria Nordeste

متعلقہ مضامین