حکومت ملک اچ باصلاحیت تریمتاں کوں ھکو سویں ترقی دے موقع ݙیوݨ سانڳے پرعزم اے،وزیر اعظم محمد شہباز شریف

APP02-200724 ISLAMABAD: July 20 - Globally acclaimed Pakistani mountaineer Naila Kiyani calls on Prime Minister Muhammad Shehbaz Sharif. APP/FHA

اسلام آباد۔20جولائی(اے پی پی) وزیراعظم محمد شہباز شریف آکھیے حکومت ملک اچ باصلاحیت تریمتاں کوں ھکو سویں ترقی دے موقع ݙیوݨ سانڳے پرعزم اے ،انفارمیشن ٹیکنالوجی، تعلیم، پیشہ ورانہ تربیت، کھیݙ اتے ٻئے شعبیں اچ تریمتاں کوں سہولتاں ݙیوݨ حکومت دی اولین ترجیح اے ۔ وزیر اعظم آفس دے میڈیا ونگ توں جاری بیان موجب وزیرِ اعظم محمد شہباز شریف نال عالمی شہرت یافہ پاکستانی کوہ پیما نائلہ کیانی ملاقات کیتی ۔وزیراعظم نائلہ کیانی کوں ہݨے ہی دنیا دی پنجویں وݙی چوٹی ، مکالو سر کرݨ تے مبارخ ݙیندے آکھیے انہاں دے بطور اعزازی سفیر تعلیم پاکستان اچ تعلیم، کوہ پیمائی دے شعبے دی ترقی تے ایں حوالے نال پیشہ ورانہ تربیت دی ترویج سانڳے کم دی وی تعریف کیتی انہاں آکھیے پاکستان اچ تریمتاں ہر شعبے اچ کم کریندیاں پئن ۔وزیرِ اعظم آکھیے نائلہ کیانی دا بطور پہلی پاکستانی تریمت کوہ پیماء، 8 ہزار میٹر توں اُچیاں 11 چوٹیاں سر کرݨ پاکستان سانڳے اعزاز دی ڳالھ اے۔وزیرِ اعظم آکھیے حکومت ملک اچ باصلاحیت تریمتاں کوں ھکو سویں ترقی دے موقع ݙیوݨ سانڳے پرعز اے ،انفارمیشن ٹیکنالوجی، تعلیم، پیشہ ورانہ تربیت، کھیݙ اتے ٻئے شعبیں اچ تریمتاں کوں سہولتاں ݙیوݨ حکومت دی اولین ترجیح اے۔نائلہ کیانی وزیرِ اعظم دا ملک اچ تریمتاں دی ترقی تے خصوصی توجہ ݙیوݨ تے شکریہ ادا کیتے۔نائلہ کیانی وزیرِ اعظم کوں پاکستان اچ کوہ پیمائی دے شعبے اچ خصوصی تربیت تے ہنر و پیشہ ورانہ تعلیم دے حوالے نال تجویزاں پیش کیتیاں ۔وزیرِ اعظم متعلقہ حکام کوں انہاں تجویزاں تے عمل درآمد سانڳے ھک جامع لائحہ عمل بݨا تے پیش کرݨ دی ہدایت کیتی ۔ ملاقات اچ وفاقی وزیرِ اطلاعات و نشریات عطاء اللہ تارڑ، وزیرِ اعظم دی کوارڈینیٹر موسمیاتی تبدیلی رومینہ خورشید عالم، چیئرمین پرائم منسٹر یوتھ پروگرام رانا مشہود احمد خان اتے متعلقہ اعلی حکام شرکت کیتی

مضمون کا ماخذ : لاٹری کے اعدادوشمار

متعلقہ مضامین