گلگت بلتستان دے عوام دے مسئلے قانون دی عملداری اتے آئینی طریقے نال ترجیحی بنیاداں تے حل کیتے ویسن ، نگران وزیراعظم انوار الحق کاکڑ

گلگت۔13ستمبر(اے پی پی) نگران وزیراعظم انوار الحق کاکڑ آکھیے جو گلگت بلتستان دے عوام دے مسئلے قانون دی عملداری تے آئینی طریقے نال ترجیحی بنیاداں تے حل کیتے ویسن ، مٹھی بھر عناصرکوں پورے معاشرے کوں یرغمال بݨاوݨ دی اجازت نہ ݙتی ویسی ،حکمت اتےہمت نال غلط فہمیاں کوں مکایا ویسی ،ملک اچ ھک قوم ،ھک قانون اتے صرف پاکستان دے نعرے دی ہی گنجائش اے جے کہیں کوں کہیں ٻئے توں کئی امید ،خوش فہمی یا غلط فہمی اے تاں او آپݨی غلط فہمی کوں مکاوے۔ اے ڳالھ انہاں گلگت اچ امراض قلب ہسپتال اچ او پی ڈی دے افتتاح توں بعد صحافیاں نال ڳالھ مہاڑ کریندے ہوئیں آکھی اے ۔ وزیراعظم آکھیے گلگت بلتستان دے لوکاں وݙی محبت نال ساݙا استقبال کیتے ،عوام دی طرفوں جیں آپݨے پن دا اظہار کیتا ڳئے ایں کوں میں کݙاہیں نہ بھلا سڳساں ،گلگت بلتستان مختلف رنگ ونسل دے لوکاں دا گلدستہ اے، ھک ݙوجھے دے حقوق کوں مساوی تسلیم کرݨ معاشرے دی بنیاد اے، قائداعظم دا پاکستان کیتے وژن ہئی جو ایندا عملی نمونہ اساکوں گلگت بلتستان اچ نظر آندے ، ھک ݙوجھے توں مختلف نقطہ نظر رکھݨ دے باوجود رلے زندگی گزارݨ انسانیت دی معراج اے، ھک ݙوجھے دے حقوق دا احترام ضروری اے، حقوق دے نفاذ دی ذمہ واری ریاست دی ذمہ واری اے، اینکوں چنڳے طریقے نال نبھیسوں ۔وزیراعظم آکھیے گلگت بلتستان دے عوام سانڳے ایہو سنھیا گھن تے آیا جو اساکوں ھک ݙوجھے دے حقوق دا احترام کرݨا چاہیدے ۔ جے کوئی اے سمجھدے جو اتھاں موجود بھرپی کوں ضیان تھی سڳدے تاں ایندی ٻہوں وݙی غلط فہمی اے۔ انہاں آکھیےگلگت بلتستان دے لوکاں دے حوصلے پہاڑاں وانڳوں اچے ہن ،گلگت بلتستان دے لوکاں اچ جیڑھی محبت پاتی ویندی اے ایندی وجہ توں توں پوری دنیا توں سیاح ایں علاقے اچ آندن ۔ وزیراعظم آکھیے اتھاں دے جیڑھے آئینی معاملات ہن انہاں تے وی گورنر، وزیراعلیٰ ، کابینہ دے ارکان اتے ٻئے متعلقہ فریقین نال وی تفصیلی ڳالھ مہاڑ تھئی اے ،گلگت بلتستان دے مسئلے ہر ممکن حد تئیں حل کرݨ دی کوشش کریسوں اتاں جو اتھاں دے لوک آپݨے پیراں تے کھڑے تھی تے ھک چنڳی زندگی گزار سڳن ۔ھک سوال دے جواب اچ وزیراعظم آکھیے گلگت اچ پی ٹی وی دے بیورو آفس دے قیام اتے پی ٹی وی تے شینا اتے بلتی زبان اچ ٹاک شوز شروع کرݨ سانگے ہدایات جاری کرݙتیاں ڳئن تاں جو اتھاں دے سیاسی ، معاشی اتے ٻئے مسئلیں کوں اجاگر کیتا ونڄ سڳے ۔

مضمون کا ماخذ : ماہی گیری کا جنون

متعلقہ مضامین