سپیکر قومی اسمبلی اسد قیصر دا ہمدرد یونیورسٹی اسلام آباد اچ سنداں تقسیم کرنڑ دی15 ویں تقریب نال خطاب

اسلام آباد ۔ 18 مارچ (اے پی پی)سپیکر قومی اسمبلی اسد قیصر آکھیے جو حکیم محمد سعید اتے عبدالستار ایدھی انسانیت سانگے اپنڑیاں خدمات پاروں ساری دنیا اچ اج وی زندہ ہن، انسان دا چنگاکردار اتے وڈے کم ہمیشہ اینکوں زندہ رکھیندن ۔ انہاں خیالیں دا اظہار اسد قیصر سنوار کوں ہمدرد یونیورسٹی اسلام آباد اچ سنداں تقسیم کرنڑ دی تقریب نال خطاب کریندے ہوئیں کیتے۔ انہاں آکھیے جو اساکوں ناکامیاں توں پریشان نی تھیونڑ چاہیدا، ہار کامیابیاں د ی ضمانت ہوندی ہے۔ سپیکر قومی اسمبلی آکھیا جو اساکوں ایہ نی سوچنڑ چاہیدا جو ایں ملک اساکوں کیا ڈتا بلکہ اساکوں ایں پاسے توجہ اتے غور کرنڑ دی ضرورت ہے جو ایں ملک اساں ملک کوں کیا ڈتا۔ انہاں آکھیا جوعوامی نمائندہ ہونڑ دی حیثیت نال ملک اچ تعلیم دا فروغ میڈی پہلی ترجیح ہے۔ سپیکر قومی اسمبلی اسد قیصر آکھیے جو اسلام اخلاقیات اتے اقدار تے زور ڈیندے ،اساکوں عبادتاں دے نال نال اپنڑیں ذاتی زندگی اچ چنگااخلاق وی استعمال کرنڑ چاہیدے ۔ انہاں آکھیا جوملک اچ تعلیم دے فروغ اتے تعلیمی معیار کو ں ٹھیک کرنڑ اچ ہمدرد یونیورسٹی دا کردار تعریف دے قابل ہے۔

مضمون کا ماخذ : تھور میگا ویز کی طاقت

متعلقہ مضامین