سیالکوٹ۔ 17 مارچ (اے پی پی):وزیر دفاع خواجہ محمد آصف آکھیے جو میر علی حملے دے دہشت گرداں کوں کیفر کردار تئیں پڄایا ویسی دہشت گردی کوں منڈھوں مکاوݨ اچ ضرور کامیاب تھیسوں ۔ اے ڳالھ انہاں اتوار کوں آپݨی رہائش گاہ تے ھک پریس کانفرنس اچ آکھی اے ۔ انہاں آکھیے جو دہشت گردی دے خلاف جاری جنگ اچ ساݙی پاک فوج لازوال قربانیاں ݙیندی پئی اے گزریل ݙینھ تھیوݨ آلے دہشت گرداں دے حملے اچ کرنل اتے کیپٹن سودھے ساݙے جوان شہید تھئن۔ انہاں آکھیے اے ساݙی پاک فوج ہی اے جیڑھی ہر حال اچ سرحداں تے موجود رہندے ہوہئیں ساݙی حفاظت یقینی بݨیندی اے تے اساں عوام سکون دی نندر سمھدوں جݙاں جو اے لوک گرمی سردی اچ آپݨے فرض دی ادائیگی کوں یقینی بݨیندے ہوئیں آپݨی جاناں دا نذرانہ پیش کرݨ توں وی پچھی تے نی ہٹدے ۔