الیکٹرو آپٹیکل سیٹلائٹ (ای او-1) 17 جنوری کوں لانچ تھیوݨ کیتے تیار اے، سپارکو دا اعلان

اسلام آباد۔13جنوری (اے پی پی) پاکستان سپیس اینڈ اپر ایٹموسفیئر ریسرچ کمیشن (سپارکو) 17 جنوری کوں چین دے جیوکوان سیٹلائٹ لانچ سینٹر توں پاکستان دے مقامی الیکٹرو آپٹیکل (ای او-1) سیٹلائٹ دے لانچ تھیوݨ دا اعلان کیتے۔ سنوار کوں سپارکو توں جاری بیان موجب مقامی طور ٻݨایا ڳئیا EO-1 مشن دا آغاز سپیس سائنس اتے اختراعات اچ پاکستان دی تکنیکی صلاحیتاں کوں اڳوں ودھاوݨ اچ سپارکو دی مہارت کوں نشابر کریندے۔ اے مقامی طور ٻݨایا ڳئیا سیٹلائٹ پاکستان دے خلائی ٹیکنالوجی دے پندھ اچ اہم کامیابی اے۔ سیٹلائٹ پاکستان اچ مختلف شعبیاں اچ ٻہوں فیدے پیش کریندے، زراعت اچ فصلاں دی نگرانی، آبپاشی دی لوڑھ دا اندازہ لا تے پیداوار دی پیش گوئی اتے غذائی تحفظ دے اقدامات دی حمایت کریندیں ہوئیں درست اقدامات کرݨ اچ مدد ݙیسی۔ شہری ترقی کیتے سیٹلائٹ بنیادی ڈھانچے دی ترقی کوں ٹریک کرݨ، شہری پھیلاؤ کوں منظم کرݨ اتے شہری اتے علاقائی منصوبہ بندی دی کوششاں اچ مدد ݙیسی۔ ماحولیاتی نگرانی اتے ڈیزاسٹر مینجمنٹ اچ اے سیلاب، لینڈ سلائیڈنگ، زلزلے، جنگلات دی کٹائی اتے زمین دے کٹائو بارے وی ویلھے تے اپڈیٹ ݙیسی۔

مضمون کا ماخذ : números da sorte loteria

متعلقہ مضامین