اسلام آباد۔9ستمبر (اے پی پی) صدر مملکت آصف علی زرداری دی پنجگور اچ پولیس موبائل تے فائرنگ دی مذمت کریندیں ہوئیں شہید تھیوݨ آلے سب انسپکٹر شکیل احمد کوں خراج عقیدت پیش کیتا۔ سنوار کوں ایوان صدر دے پریس ونگ توں جاری بیان موجب صدرمملکت شہید سب انسپکٹر شکیل احمد دے ٹبر نال ہمدردی کیتی۔ انہاں سب انسپکٹر شکیل احمد دی فرض نال لگن ، قربانی کوں سلام وی پیش کیتا۔ صدرمملکت شہید دے ٹبر نال تعزیت کیتے اتے صبر دی دعا کیتی۔