پاکستان دابھارت دی طرفوں عدالت توں یاسین ملک کوں سزائے موت ݙیوݨ دے مطالبے تے اظہارتشویش

اسلام آباد۔1جون(اے پی پی):پاکستان بھارت دی طرفوں عدالت توں ممتاز کشمیری رہنما محمد یاسین ملک کوں سزائے موت ݙیوݨ دے مطالبے دے تازہ ترین اقدام تے تشویش دا اظہار کیتے۔ دفتر خارجہ دی ترجمان ممتاز زہرا بلوچ خمیس کوں اتھاں پریس بریفنگ اچ آکھیے گزریل سا محمد یاسین ملک کوں ھک متنازعہ مقدمے اچ عمر قید دی سزا سݨائی ڳئی ہئی ، انہاں تے آپوں گھڑیے الزامات لاتے ڳئن تے انہاں کوں منصفانہ ٹرائل توں انکار کیتا ڳیا ہئی ۔ ترجمان آکھیے سرکردہ کشمیری رہنما کوں وڳڑدی ہوئی صحت دے باوجود بدنام زمانہ تہاڑ جیل اچ غیر انسانی حالات اچ رکھیا ڳئے ، انہاں آکھیے محمد یاسین ملک کوں خاندان دے لوکاں تے وکلا تئیں رسائی نی ݙتی ویندی پئی تے ایندے نال نال انہاں کوں معیاری صحت دے علاج توں محروم رکھیا ویندا پئے ۔ ترجمان آکھیے بھارت دا تازہ ترین اقدام سیاسی انتقام دی ھک ٻئی مثال اے جیں دا مقصد کشمیری قیادت کوں چُپ کراوݨ تے کشمیری عوام کوں ݙراوݨ اے ، انہاں آکھیے اے اقدام بھارت دے غیر قانونی طور تے زیر تسلط جموں و کشمیر اچ بھارت دے نہ ختم تھیوݨ آلے تے وسیع جبر دا مظہر اے جتھاں سیاسی رہنماواں تے انسانی حقوق دے محافظاں کوں من گھڑت اتے بے بنیاد الزامات دے تحت قید کیتا ویندے ۔

مضمون کا ماخذ : گرم سے زیادہ گرم

متعلقہ مضامین