اسلام آباد۔3جون (اے پی پی) وزیر مملکت برائے خزانہ تے ریونیو ڈاکٹر عائشہ غوث پاشا آکھیا جو حکومت عوام کوں مہانگ دے اثرات توں بچاوݨ کیتے ٹارگٹڈ سبسڈی ݙیندی پئی اے۔ اپوزیشن معیشت تے سیاست نہ کرے، آئی ایم ایف نال پٹرولیم مصنوعات اتے بجلی دے نرخاں اچ ودھارے دے وعدے دے پی ٹی آئی دی حکومت کر تے ڳئی ہئی، اساں پٹرولیم مصنوعات تے کوئی ٹیکس کائنی لاتا۔ صرف قیمت خرید منتقل کیتی اے۔ جمعے کوں ایوان بالا دے اجلاس اچ ڳالھ مہاڑ کریندیں ہوئیں انہاں آکھیا جو کل اے معیشت دی بہتری کیتے آئی ایم ایف ݙے ونجݨ، ڈھانچہ جاتی اصلاحات اتے سخت فیصلے کرݨ دی ڳالھیں کریندے پئے ہن، اڄ پٹھی ڳالھیں کریندے پئن۔