چیئرمین سینیٹ سید یوسف رضا گیلانی دا محترمہ فاطمہ جناح دے 57 ویں ورھیݨے تے سنھیا

اسلام آباد۔9جولائی(اے پی پی) چیئرمین سینیٹ سید یوسف رضا گیلانی آکھیے محترمہ فاطمہ جناح ھک عظیم بھرا دی عظیم بھیݨ ہئی ، فاطمہ جناح قوم سانڳے ما دا درجہ رکھیندیاں ہن ، قوم تے انہاں دے ٻہوں احسان ہن ،پوری قوم محترمہ فاطمہ جناح دی ملک تے قوم سانڳے خدمات تے انہاں کوں خراج تحسین پیش کریندی اے قیام پاکستان قائد اعظم محمد علی جناح اتے انہاں دی بھیݨ فاطمہ جناح دی ودھ ساریاں کوششاں دا ثمر اے۔محترمہ فاطمہ جناح دے 57 ویں ورھیݨے تے آپݨے سنھیے اچ چیئرمین سینیٹ آکھیے مادر ملت قیام پاکستان سانڳے تاریخی تےبے مثال کردارنبھایا ، محترمہ فاطمہ جناح دی عظیم مقصد پاکستان سانڳے جدوجہد اساں کیتے مشعل راہ ہن۔ سید یوسف رضا گیلانی آکھیے فاطمہ جناح تحریک آزادی پاکستان اچ ہمیشہ قائد اعظم دے رلے کھڑیاں رہیاں، تحریک آزادی اچ محترمہ فاطمہ جناح دا کردار عزم اتے استقامت دی عظیم مثال ہئی۔ انہاں آکھیے نینگر نسل خصوصاً تریمتاں ملکی ترقی سانڳے محترمہ فاطمہ جناح دے کردار توں رہنمائی گھنن ، مادر ملت قیام پاکستان دے بعد مہاجرین دی آباد کاری اتے ایہو سویں اہم نوعیت دے چیلنجز اچ ودھ چڑھ تے کردار نبھایا اے تریمتاں سانڳے وݙی مثال اےاو کہیں وی شعبے اچ آپݨا چنڳاں کردار نبھا سڳدن ۔ چیئرمین سینیٹ آکھیے مادرِ ملت اپݨے عظیم بھرا دی وفات دے بعد انھاں دے مشن کوں اڳوں ودھایا ۔ چیئرمین سینیٹ سید یوسف رضا گیلانی اللہ سئیں توں مادرِ ملت دے اُچے درجات سانڳے دعا وی منگی۔

مضمون کا ماخذ : لاٹری کے انعامات

متعلقہ مضامین