نوازشریف کوں سسلین مافیا آکھݨ آلے بے نقاب تھیندے پئن، احسن اقبال

لاہور۔ 06 جولائی (اے پی پی):وفاقی وزیر منصوبہ بندی و ترقی احسن اقبال آکھیے محمد نوازشریف کوں سسلین مافیا آکھݨ آلے ہݨ بے نقاب تھیندے پئن ،سازش نال مسلم لیگ ن دی حکومت کوں ختم کرتے لاݙلے تے نااہل کوں اقتداراچ گھن آیا ڳیا ، چیئرمین پی ٹی آ ئی کوں اقتدار اچ گھن آتے پاکستان باری قیمت چکائی، علمی تحریک کیتے موجودہ عوامی حکومت انقلابی اقدامات کریندی پئی اے ۔اے ڳالھ انہاں یونیورسٹی آف ایجوکیشن دے مرکزی کیمپس ٹاون شپ لاہور اچ نویں تعمیر تھیوݨ آلے اکیڈمک بلاک، سٹوڈنٹس سروس سنٹر، سٹوڈنٹس ہاسٹل، ہیلتھ اینڈ ڈے کیئر سنٹر اتے بیچلر فیکلٹی ہاسٹل دی افتتاحی تقریب توں خطاب تے میڈیا نال گالھ مہاڑ کریندے ہوئیں آکھی ۔ ایں موقع تے یونیورسٹی آف ایجوکیشن، لاہور دے وائس چانسلر پروفیسر ڈاکٹر طلعت نصیر پاشا ، جامعہ دے پرو وائس چانسلر پروفیسر ڈاکٹر محمد ارشد، سینڈیکیٹ ممبرز،اساتذہ، سٹاف ، طلبا و طالبات اتے معروف علمی و سماجی شخصیات وݙی تعداد اچ موجود ہئی ۔وفاقی وزیر منصوبہ بندی و ترقی احسن اقبال تقریب توں خطاب اچ آکھیے جو بلاشبہ علم ہی او خزانہ اے جیں دے حصول دا نتیجہ سماجی، اخلاقی اتے معاشی ترقی دی صورت اچ رونما تھیندے ، لہذا اساں علم دی معراج حاصل کرݨی اے کیوں جو جیں قوم اچ علم دی جستجو نی ہوندی او ہمیشہ غلامی اچ رہندی اے ، انہاں آکھیے اساکوں علمی تحریک دی لوڑھ اے جیں کیتے موجودہ عوامی حکومت انقلابی اقدامات کریندی پئی اے ۔

مضمون کا ماخذ : اٹلانٹس کا بادشاہ

متعلقہ مضامین