وفاقی وزیر زاہد حامد نال ایشیاء فائونڈیشن دی نمائندہ صوفیہ شکیل دی ملاقات

اسلام آباد ۔ 08 فروری (اے پی پی) وفاقی وزیر برائے موسمیاتی تبدیلی زاہد حامد نال ایشیاء فائونڈیشن دی نویں تعینات تھیونڑآلی نمائندہ صوفیہ شکیل ملک دے نمائندیاں دے نال وزارت اچ ملاقات کیتی۔ وفاقی وزیر آکھیا جو پاکستان دنیا اچ موسمیاتی تبدیلیاں توں متاثر تھیونڑآلا ستویں درجے دا ملک ہے ۔ انہاں دا بیا آکھنڑ ہئی جو اساڈی حکومت موسمیاتی تبدیلیاں نال نبڑنڑ کیتے بہوں سارے اقدامات کریندی پئی ہے جیندے اچ پیرس معاہدے دی توثیق آئی این ڈی سی کوں پیش کرنڑاں، موسمیاتی تبدیلی دی پالیسی، موسمیاتی تبدیلی دی پالیسی فریم ورک دا اطلاق اتے موسمیاتی تبدیلی دا قنون شامل ہے۔ بین الاقوامی معیار کوں سامنڑیں رکھیندے ہوئیں منصوبیاں کوں تیار کرنڑ اتے انہاں دے نفاذ کیتے موسمیاتی تبدیلی دی کونسل قائم کیتی ویسی ۔ وفاقی وزیر دا بیا آکھنڑ ہئی جو قومی اسمبلی موسمیاتی تبدیلی دے قنون دی منظوری ڈتی ہے ۔ سینیٹ توں منظوری دے بعد آندے ترائے مہنیاں دے اند ر اندر اے ہک فعال قنون ہوسی ۔ ایشیاء فائونڈیشن کوں وزیراعظم دے گرین پاکستان پروگرام دے شروع کرنڑ بارے وی ڈسایا گیا۔ ایشیاء فائونڈیشن دی نمائندہ صوفیہ شکیل موسمیاتی تبدیلی کونسل دی تنظیم نو اتے موسمیاتی تبدیلی دے چھوٹے منصوبیاں دی گرانٹ اچ مدد دی پیشکش کیتی

مضمون کا ماخذ : لوٹیریا وفاقی

متعلقہ مضامین