لاہور۔28جنوری(اے پی پی)پنجاب حکومت بیرون ملک توں آوݨ آلے سکھ یاتریاں کوں ٹورزم پیکج دے تحت بہترین سہولتاں ݙیوݨ کیتے عملی اقدام سانڳے کرتار پور اتے ننکانہ صاحب اچ 5 سٹار ہوٹل ٻݨاوݨ دا فیصضہ کیتے۔ اے فیصلہ کینیڈا اچ ٹورنٹو دی سکھ کمیونٹی نال ملݨ ویلھے پنجاب حکومت دے 3 رکنی وزارتی وفد جیندے اچ صوبائی وزیر تجارت ایس ایم تنویر، وزیر تعلیم منصور قادر اتے وزیر سیاحت پنجاب عامر میر شامل ہن ٹورنٹو اچ ملݨ ویلھے کیتے۔ وفد کینیڈین سکھ کمیونٹی دے رہنماواں کوں دورہ پنجاب دی وی دعوت ݙتی۔ ملاقات اچ کینیڈا اتے پاکستان وچال مذہبی سیاحت اتے تجارت دے ودھارے کیتے قابل عمل اقدامات دا فیصلہ تھئے اتے سکھ کمیونٹی ولوں ننکانہ صاحب اتے کرتارپور اچ فائیو سٹار ہوٹلز ٻݨآوݨ دی تجویز تے اتفاق تھئے۔ ݙسایا ڳئے جو سکھ یاتریاں دی سہولت کیتے حکومت پنجاب خصوصی ٹورزم پورٹل شروع کیتے جیندے نال بیرون ملک توں آوݨ آلے سکھ یاتری مکمل ٹورزم پیکیج حاصل کر سڳسن۔ ٹورزم پیکیج دے تحت سکھ یاتریاں کیتے ریاستی سیکیورٹی ݙتی ویسی۔