لاہور۔27جون(اے پی پی)وزیراعظم محمد شہباز شریف لاہور اچ اڄوکیاں بارشاں نال نکاسی آب دا مناسب اتے ویلھے سر انتظام نہ ہووݨ تے ناراض تھیندے ناقص کارکردگی تے انکوائری دا حکم ݙتے، انہاں آوݨ آلے ݙینھاں اچ متوقع بارشاں انل سامݨے آوݨ آلی ممکنہ صورتحال کیتے پوری تیاری کرݨ اتے عیدِ قرباں دے ݙینھاں اچ انتظامیہ کوں مکمل تیار رہݨ دی ہدایت کیتی۔ اے ہدایات انہاں اپݨی اڳواݨی اچ لاہور اچ عید قرباں تے شمالی پنجاب خاص کر لاہور اچ متوقع پری مون سون بارشاں سانڳے تیاری بارے جائزہ اجلاس اچ ݙتن۔ اجلاس اچ وزیرِ اعظم لاہور اچ اڄوکیاں بارشاں دے موعقع تے نکاسی آب دا مناسب اتے بروقت انتظام نہ ہووݨ تے کاوڑ کیتی اتے لاہور اچ سیلابی صورتحال تے ناقص کارکردگی دی انکوائری دا حکم وی ݙتے۔