سپریم کورٹ دا 13 رکنی فل کورٹ بینچ سارے معاملات حل کرے،پورے ملک اچ انتخابات ھکے ویلھے تھیوݨے چاہیدن ، وفاقی وزیر قانون دی بین الاقوامی میڈیا نال ڳالھ مہاڑ

اسلام آباد۔6اپریل(اے پی پی) وفاقی وزیر قانون و انصاف سینیٹر اعظم نذیر تارڑ آکھیے جو سپریم کورٹ دا 13 رکنی فل کورٹ بینچ سارے معاملات حل کرے،سیاسی جماعتاں تے بارکونسلز دا فل کورٹ دا مطالبہ مسترد کرݙتا ڳئے ، دوران سماعت سیاسی جماعتاں دا موقف نی سݨیا ڳیا ،عدالت تے حکومت اچ ٹکرائو دی صورتحال نی ہووݨی چاہیدی ،جے پنجاب اچ پہلے صوبائی انتخابات کرا ݙتے ویندن تاں قومی اسمبلی دے انتخابات متاثر تھیسن، آئین دے مطابق انتخابات دے شفاف انعقاد کیتے نگران سیٹ اپ دا ہووݨ ضروری اے، امن و امان دی صورتحال دے پیش نظر ماضی اچ وی انتخابات دی تاریخ بدلی جاچکی اے۔ بین الاقوامی میڈیا نال ڳالھ مہاڑ کریندے ہوئیں وفاقی وزیر قانون آکھیے آئین دے مطابق انتخابات دے شفاف انعقاد کیتے نگران سیٹ اپ دا ہووݨ ضروری اے۔ امن و امان دی صورتحال دے پیش نظر ماضی اچ وی انتخابات دی تاریخ بدلی جاچکی اے۔ حکومت سمجھدی اے جو ایں اہم ترین قومی معاملے تے فل کورٹ فیصلہ ݙیندا تاں بہتر ہوندا۔ انہاں آکھیے وفاقی کابینہ سپریم کورٹ دے فیصلے تے اپݨے تحفظات دا اظہارکیتے۔وفاقی کابینہ دی رائے ہئی جو اکثریتی فیصلے کوں اقلیتی فیصلے اچ نہ بدلیا ونڄے ۔ انہاں آکھیے فل کورٹ نہ بݨایا ڳیا تاں ملک اچ سیاسی تے آئینی بحران شدید تھی ویسی ، عدالت کہیں سیاسی جماعت کوں مقدمے دا فریق نی بݨایا تے نہ ہی موقف سݨیا۔ تحریک انصاف دی متعلقہ پٹیشن تے سپریم کورٹ توں فل کورٹ دی استدعا کیتی ڳئی ہعی جیں کوں مسترد کرݙتا ڳئے ۔ انہاں آکھیے انتخابات دے معاملے اچ 184 تھری تے کوٹ آرڈر آیا جئیں توں پہلے سرکلر تے ول 6 رکنی بینچ مسترد کرݙتا، یکم مارچ کوں فیصلہ آیا تاں ساݙا موقف ہئی جو 3 دے مقابلے اچ 4 توں کیس خارج تھیا۔ 4 ججز پٹیشن خارج کیتی ،2 کیس سݨݨ توں انکار کیتا، رائے ݙیوݨ اچ آلے ݙوہیں جج صاحبان بینچ توں علیحدگی اختیارکیتی۔ از خود نوٹس دے معاملے تے 2 جج صاحبان اپݨی رائے دا کھل تے اظہار کرچکن ۔ وزیر قانون آکھیے سپریم کورٹ دے از خود نوٹس دے معاملے تے پارلیمنٹ ٻل دی منظوری ݙتی ۔ کابینہ اجلاس اچ سپریم کورٹ دے فیصلے دا بغور جائزہ ڳھدا ڳیا ۔ انہاں آکھیے ججز اچ اتحاد نہ ہووݨ تے ادارے دی ساکھ متاثر تھیندی پئی اے ۔ انہاں آکھیے سپریم کورٹ دے ازخود نوٹس دے حوالے توں پارلیمان ٻل دی منظوری ݙتی ۔پورے ملک اچ انتخابات ھکے ویلھے تھیوݨے چاہیدن۔

مضمون کا ماخذ : مصر کی میراث

متعلقہ مضامین