اسلام آباد۔10جنوری(اے پی پی)متحدہ عرب امارات دے صدر شیخ محمد بن زید النہیان دے سݙے تے وزیراعظم محمد شہباز شریف 12 توں 13 جنوری تئیں متحدہ عرب امارات (یو اے ای) دا دورہ کریسن۔ دفتر خارجہ دی ترجمان آکھیے جو وزارت عظمیٰ دا منصب سنٻھالݨ دے بعد وزیراعظم محمد شہباز شریف دا متحدہ عرب امارات دا اے تریڄھا دورہ ہوسی اتے کابینہ ارکان سودھا اعلیٰ سطح وفد وی انہاں دے نال ہوسن۔ وزیر اعظم متحدہ عرب امارات دے صدر شیخ محمد بن زید النہیان نال ملسن اتے ݙوطرفہ اقتصادی، تجارتی و سرمایہ کاری تعلقات کوں اڳو تے ودھاوݨ اتے یو اے ای اچ پاکستانی افرادی قوت کیتے مواقع بارے الیسن۔ او یو اے ای دے وزیر اعظم، نائب صدر اتے دبئی دے حکمران شیخ محمد بن راشد المکتوم نال وی ملسن۔