ملکی ترقی کیتے تریمتاں دی تعلیم تے انہاں کوں بااختیار بݨاوݨ ٻہوں ضروری اے،گورنر پنجاب

لاہور۔21جنوری (اے پی پی) گورنر پنجاب محمد بلیغ الرحمان آکھیے جو ملک دی ترقی کیتے خواتین دی تعلیم اتے انہاں کوں بااختیار بݨاوݨ ٻہوں ضروری اے، مسلم لیگ ن دے سابق ادوار اچ نینگراں کوں آئی ٹی دی تعلیم ݙیوݨ کیتے یونیورسٹیاں اچ طلبہ کوں میرٹ تے لیپ ٹاپس سودھے ٻئے اقدامات چاتے ڳئے ،ڈیجیٹل پاکستان پالیسی دے تحت سافٹ ویئر ٹیکنالوجی پارکس دا قیام، بین الاقوامی سطح تے لوکل پراڈکٹس دی مارکیٹنگ ، انٹرن شپس ٹریننگز کرائی ڳئیں جیں توں آئی ٹی پراڈکٹس دی ایکسپورٹس اچ ودھارا تھیا ۔ انہاں اے ڳالھیں ہفتے کوں اتھاں مقامی ہوٹل اچ ٹیک ایچ آر فیسٹ دی سوشل کمیونٹی دے زیر اہتمام پاکستان ٹیک ایچ آر فیسٹ PakistanTech HR Fest 2023 دی تقریب اچ بطور مہمان خصوصی شرکت دے موقع تے خطاب کریندے ہوئیں آکھئن ۔گورنر پنجاب آکھیے ساݙٰ خواتین زندگی دے ہر شعبے اچ مرداں دے رلے کم کریندیاں پئن ، اعلی تعلیمی اداریں اچ وی ساݙیاں دھیریں چھوکریں دے مقابلیں اچ بہتر کارکردگی دا مظاہرہ کریندیاں پئن۔ انہاں آکھیے سرکاری ملازمتاں اچ وی خواتین دا کوٹہ مختص کر تے انہاں دی معاشی ترقی کیتے راہ ہموار کیتی ڳئی اے ۔ محمد بلیغ الرحمن آکھیے بطور گورنر جیڑھے کنسورشیم بݨاعن ، انہاں اچ آئی ٹی دی تعلیم دے نال نال ویمن ایمپاورمنٹ تے کنسورشیم وی شامل اے، ان کنسورشیم دے ذریعے جامعات اتے صنعتاں دے درمیان رابطے مضبوط کرݨ ،خواتین دی تعلیم تے انہاں کوں بااختیار بݨاوݨ تے تجاویز ݙتیاں ویسن ۔

مضمون کا ماخذ : سپر اسپنر

متعلقہ مضامین