جڏهن اخلاقي قدر ختم ٿي وڃن ۽ چوري کي خراب نه سمجهيو وڃي ته قومون تنزلي جو شڪار ٿي وينديون آهن: وزيراعظم

APP61-241121 ISLAMABAD: November 24 - Prime Minister Imran Khan addressing at the launching ceremony of four new initiatives under Kamyab Jawan Programme. APP

اسلام آباد – 24 – نومبر (اي پي پي) وزيراعظم عمران خان معاشري جي ترقي ۽ هڪ عظيم قوم بڻجڻ لاءِ اعليٰ اخلاقي قدرن جي پيروي تي زور ڏيندي چيو آهي ته جڏهن اخلاقي قدر ختم ٿي وڃن ۽ چوري کي خراب نه سمجهيو وڃي ته قومون تنزلي جو شڪار ٿي وينديون آهن، ڪرپشن ملڪ جو سڀ کان وڏو مسئلو آهي، لنڊن ۾ چوري جي پئسن مان فليٽس خريد ڪندڙ رسيدون پيش ڪرڻ بدران عدليه ۽ فوج سميت ادارن جي خلاف مهم هلائي رهيا آهن، ڪوڙ ڳالهائي ملڪ ڇڏيندڙ سزا يافته شخص تقرير ڪندو آهي، پاڪستان جو مستقبل نوجوانن جي هٿن ۾ آهي، ڪامياب پاڪستان پروگرام تحت 40 لک خاندانن کي بنا وياج جي قرض ڏينداسين، ملڪ تي ڪورونا جي ڪري مشڪل وقت آهي ۽ سڄي دنيا ۾ شين جون قيمتون وڌي رهيون آهن. هن اهڙن خيالن جو اظهار ڪامياب جوان ڪنوينشن کي خطاب ڪندي ڪيو. وزيراعظم چيو ته هو خاص معاون عثمان ڊار ۽ سندس ٽيم کي ڪامياب جوان ڪنوينشن جي انعقاد تي مبارڪباد پيش ڪريون ٿا، عثمان ڊار جو ڪامياب جوان پروگرام جي حوالي سان اهم ڪردار آهي، ڪامياب جوان پروگرام ڪاميابي سان اڳتي وڌي رهيو آهي ۽ اهو اسان جي منصوبن ۾ سڀ کان وڌيڪ ڪامياب ثابت ٿيندو. هن چيو ته جڏهن سندس عمر 9 سال هئي ته والده سان گڏ ڪرڪيٽ ميچ ڏسڻ ويو هو ۽ هن ان وقت ٽيسٽ ڪرڪيٽر بڻجڻ جي خواهش جو اظهار ڪيو هو پر کيس چيو ويو ته ٽيسٽ ڪرڪيٽ بڻجڻ تمام گهڻو مشڪل آهي، پر بعد ۾ دنيا جي ڪرڪيٽ ۾ آهستي آهستي ڪاميابي جون منزلون طئي ڪيون، اسپتال ٺاهڻ لڳس ته ماڻهن چيو ته اسپتال نه ٺهي سگهندي، ڪينسر اسپتال ۾ مريضن جو مفت علاج به ناممڪن آهي پر مون محنت ۽ عزم سان ناممڪن کي ممڪن ڪري ڏيکاريو، پنهنجي غلطين مان سکي ڪاميابيون حاصل ڪيون، الله ڪاميابي ڏني، ڪو به انسان اڄ تائين محنت کانسواءِ ڪامياب ناهي ٿيو. دنيا ۾ وڏو ڪم ڪرڻ جو ڪو به شارٽ ڪٽ نه آهي، ڊگهو سفر طئي ڪرڻو پوندو آهي، وزيراعظم عمران خان چيو ته جيتري وڏي سوچ هوندي ايترو وڏو انسان بڻجندا، نوجوان جيترو چئلينجن جو ڄمي مقابلو ڪندا ايترا ئي ڪامياب انسان بڻجندا، هن چيو ته جڏهن سياسيت ۾ آيس ته 14 سالن تائين منهنجو مذاق اڏايو ويندو رهيو، چيو ويندو هو ته ملڪ جي ٻه پارٽي نظام ۾ ٽي پارٽي اچي نٿي سگهي، پوءِ جڏهن اسان جي پارٽي اچي وئي ته ٽن سالن کان اهي ڳالهيون ٻڌي رهيا آهيون ته اهي ناڪام ٿي ويندا، جڏهن نمل يونيورسٽي ٺاهڻ لڳس ته چيو ويو ته ٻهراڙي جي علائقي ۾ نجي شعبو ڪامياب يونيورسٽي نٿو بڻجي سگهي، توهان پاڪستان کي هڪ عظيم ترين قوم بڻجندي ڏسندا، وزيراعظم چيو ته ڪنهن به انسان جي ڪردار جو مشڪل وقت ۾ پتو پوندو آهي، بري وقت ۾ تحمل سان برداشت ڪرڻ ۽ غلطين مان سکڻ ۾ ئي ڪاميابي جو راز آهي، وزيراعظم چيو ته ڪو به انسان ان وقت تائين شڪست نٿو کائي سگهي جيستائين هو پاڻ هار نه مڃي وٺي، نوجوانن جي هٿن ۾ ملڪ جو مستقبل آهي، حڪومت نوجوانن کي هنرمند بڻائڻ لاءِ موقعا فراهم ڪري رهي آهي، قرض ڏنا پيا وڃن، ان سان هو پنهنجو ڪاروبار شروع ڪري سگهن ٿا، ان موقعي مان فائدو کڻڻ گهرجي. هن چيو ته دنيا سان گڏوگڏ اسان جي ملڪ تي به ڪورونا جي ڪري مشڪل وقت آهي، لاڪ ڊائون جي ڪري ڪاروبار متاثر ٿيو آهي، شين جي فراهمي ۾ مسئلا پيدا ٿيا، شين جون قيمتون وڌي ويون، تيل، ڪوئلي ۽ گئس جي قيمت ٻيڻي ٿي وئي آهي، ان صورتحال کي منهن ڏيڻ لاءِ اهم قدم کڻي رهيا آهيون، وزيراعظم چيو ته ڪامياب پاڪستان پروگرام تحت 40 لک خاندانن کي بنا وياج قرض ڏينداسين، گهرن جي تعمير لاءِ پهريونڀ يرو ملڪ ۾ بنا وياج قرض جي سهولت ڏني پئي وڃي، سڀ کان وڌيڪ فخر ان ڳالهه تي آهي ته ماڻهن کي هيلٿ انشورنس جي سهولت ملي رهي آهي، پنجاب، خيبرپختونخوا، آزاد ڄمون ۽ ڪشمير، گلگت بلتستان ۽ بلوچستان ۾ هر شهري کي اها سهولت ڏني ويندي، پنجاب ۾ جنوري کان هيلٿ انشورنس جي سهولت شروع ٿي ويندي جنهن تحت ماڻهو 7 کان 10 لک روپين تائين جو علاج ڪنهن به اسپتال مان مفت ڪرائي سگهندا. ويراعظم چيو ته اڄ ڪلهه ٽيپس جي ڳالهه ٿي رهي آهي، ٽيپس نڪري رهيون آهن، ججن جا نالا اچي رهيا آهن، 25 سال پهرين جڏهن سياست ۾ آيس ته ان وق اهو چيو هو ته ملڪ جو سڀ کان وڏو مسئلو ڪرپشن آهي، ٽيپس سڀ ڊرامو آهي، جنهن ملڪ جو سربراهه، وزيراعظم ۽ وزير ڪرپٽ هجن ۽ ملڪ جو پئسو چوري ڪري ٻاهر وٺي وڃڻ شروع ڪن ته قوم ۾ غربت جي شرح وڌندي آهي. وزيراعظم چيو ته 2016ع ۾ آف شور ڪمپنين ۽ اڪائونٽس جي مالڪن جا نالا سامهون آيا ۽ انهن مان هڪ نالو مريم صفدر جو به سامهون آيو جيڪا لنڊن ۾ مهانگي ترين علائقي ۾ 4 فليٽس جي مالڪه هئي، عدالت ۾ معاملو ويو، جي آءِ ٽي ٺاهي وئي، پوءِ سپريم ڪورٽ ۾ ڪيس آيو ۽ نواز شريف کي سپريم ڪورٽ مان سزا ٿي وئي، عدالتن ۾ خريد ڪيل فليٽس لاءِ رقم جا ذريعا ٻڌائڻ بدران هنن پهرين ڇو ڪڍيو جو نعرو لڳايو پوءِ عدالت ۽ فوج سميت ادارن جي خلاف مهم شروع ڪري ڇڏي ۽ مون کي ته ظالم تائين قرار ڏيندا رهيا آهن، پنهنجون ته رسيدون پيش نه ڪري سگهيا پر منهنجي خلاف سپريم ڪورٽ سان به رجوع ڪيو ۽ مون سپريم ڪورٽ ۾ لنڊن ۾ پنهنجي فليٽ جي هڪ هڪ شيءَ ۽ 40 سال پراڻي معاهدي جا ڪاغذ جمع ڪرائي ڇڏيا جيتوڻيڪ مون وٽ ته ڪو به عوامي عهدو نه رهيو هو ۽ هڪ رانديگر هئس، هن پهرين اسيمبلي ۾ ڪوڙ ڳالهايو پوءِ قطري خط ۽ ڪيلبري فونٽ فراڊ نڪتا، چوري جي پئسي مان جائيدادون خريد ڪندڙ رسيدون پيش نه ڪري سگهيا، الٽو سڀني ادارن جي خلاف مهم هلائي رهيا آهن، وزيراعظم چيو ته لاهور ۾ هڪ تقريب م اعليٰ عدليه جا جج صاحب دعوتو هئا اتي هو شخص تقرير ڪري ٿو جيڪو سپريم ڪورٽ مان سزا يافته آهي ۽ ڪوڙ ڳالهائي ملڪ مان ڀڳوڙو آهي، هن چيو ته قومون تڏهن تباهه ٿينديون آهن جڏهن چوري کي غلط نٿو سمجهيو وڃي، جڏهن اخلاقي قدر ختم ٿي وڃن ته قومون تنزلي جو شڪار ٿي وينديون آهن، سسٽم کي جيئن ته اڳوڻن حڪمرانن ڪرپٽ ڪيو هو ان جي ڪري ان کي ٺيڪ ڪرڻ ۾ ٿورو وقت لڳي رهيو آهي پر ان ۾ ڪو به شڪ ناهي ته اها هڪ عظيم قوم بڻجندي، جيستائين اسان پنهنجي اخلاقي معيار کي بهتر نه بڻائينداسين اڳتي نه وڌي سگهنداسين، انهي مقصد لاءِ رحمت اللعالمين اٿارٽي ٺاهي وئي آهي، دين ۽ دنيا جي ڪاميابي لاءِ رسول ڪريم ﷺ جي زندگي مبارڪ تي عمل ضروري آهي، اسان کي پنهنجي ٻارن جي ڪردار سازي ڪرڻي پوندي، اسان جي نبي ڪريم ﷺ مديني جي رياست جو بنياد اعليٰ اخلاقي قدرن تي رکيو هو، يقين ڪامل آهي ته اسان هڪ عظيم قوم ضرور بڻجنداسين.

مضمون کا ماخذ : کمپیوٹرائزڈ لاٹری

متعلقہ مضامین