راولپنڈی۔15مئی(اے پی پی):بلوچستان دے ضلع ژوب دے علاقے سمبازہ اچ دہشت گرداں دے خلاف انٹیلیجنس بیسڈ آپریشن اچ شہید تھیوݨ آلے پاک فوج دےمیجر بابر نیازی دی نماز جنازہ ژوب کینٹ اچ پڑھ ݙتی ڳئی ۔آئی ایس پی آر موجب نماز جنازہ اچ اعلیٰ فوجی اتے سول افسران، عوام اتے سول انتظامیہ دے نمائندیں شرکت کیتی ۔شہید کوں مکمل فوجی اعزاز دے نال آبائی شہراچ سپرد خاک کیتا ویسی ۔ آئی ایس پی آر آکھیے جو پاکستان دی مسلح افواج جقوم دے رلے کھڑی اے تے ملک دے امن تے استحکام کوں سبوتاژ کرݨ دی دہشت گردی دیاں کوششاں کوں ناکام بݨاوݨ سانڳے پرعزم اے ۔ ساݙت بہادر پُتراں دیاں قربانیاں دہشت گردی دی لعنت دے خلاف لڑݨ دے ساݙے عزم کوں تقویت ݙٰیندن ۔مادر وطن توں دہشت گردی دی لعنت مکݨ تئیں دہشت گردی دے خلاف جنگ جاری رہسی۔