کراچی۔ 26 دسمبر(اے پی پی):صدر مملکت ڈاکٹر عارف علوی ڄڳ اچ کامیابی کیتے خود کفالت ضروری قرار ݙیندے آکھیے جو پاکستان ضرور ترقی کریسی کیوں جو پاکستان اچ باصلاحیت افرادی قوت موجود اے۔ اے ڳالھ انہاں بحریہ آڈیٹوریم کراچی اچ پاکستان نیوی انجینئرنگ کالج (پی این ای سی)دے 35 ویں کانووکیشن نال خطاب کریندے آکھی۔
کانووکیشن اچ ریکٹر نیشنل یونیورسٹی آف سائنس اینڈ ٹیکنالوجی(نسٹ)لیفٹیننٹ جنرل (ر)محمود اتے کمانڈر کراچی ریئر ایڈمرل محمد سلیم وی موجود ہن۔ کانووکیشن اچ غیر ملکی طلبا سودھا 368 گریجویٹس کوں بیچلرز اتے پوسٹ گریجویٹ ڈگریاں ݙتیاں ڳن۔ صدر مملکت طلبا کوں شاندار کارکردگی تے 39 میڈلز وی ݙتن۔
صدر ڈاکٹر عارف علوی پاکستان دی ترقی کریندی صنعت کوں معیاری انجینئرز ݙیوݨ اتے تعلیم دے اعلی معیار کوں برقرار رکھݨ کیتے پی این ای سی دیاں کوششاں دی تعریف کیتی۔ انہاں آکھیا جو مصنوعی ذہانت اتے روبوٹکس ڄھیاں اٻھردیاں ٹیکنالوجیز سانڳے پی این ای سی دیاں ذمہ داریاں ودھ ڳن ڄیکوں درست استعمال کرݨا ہوسی۔