جئیں قانون اچ ملازماں دے حقوق دا تحفظ نہ ہووے او قانون نامکمل ہوندے، بدقسمتی نال کجھ لوکاں پیمرا ترمیمی بل کوں کالا قانون آکھیے، صحافیاں اتے میڈیا ورکرز کوں خراج تحسین پیش کریندی آں جو او آپݨے حقوق کیتے کھڑے تھین، مریم اورنگزیب

اسلام آباد۔9اگست (اے پی پی) وفاقی وزیر اطلاعات تے نشریات مریم اورنگزیب آکھیا جو پیمرا (ترمیمی) بل صحافیاں اتے ورکنگ جرنلسٹس دا بل اے، اینکوں ٻݨاوݨ اچ پی ایف یو جے، سی پی این ای، پی بی اے، ایمنڈ سودھے سارے سٹیک ہولڈرز نال مشورہ تھیے۔ جئیں قانون اچ ملازماں دے حقوق دا تحفظ نہ ہووے او قانون نامکمل ہوندے، بدقسمتی نال کجھ لوکاں پیمرا ترمیمی بل کوں کالا قانون آکھیے، صحافیاں اتے میڈیا ورکرز کوں خراج تحسین پیش کریندی آں جو او آپݨے حقوق کیتے کھڑے تھین۔ بدھ کوں پارلیمنٹ ہاؤس اچ میڈیا نال ڳالھ مہاڑ کریندیں ہوئیں وفاقی وزیر اطلاعات آکھیا جو پیمرا (ترمیمی) بل صحافیاں اتے ورکنگ جرنلسٹس دا بل اے، اینکوں ٻݨاوݨ اچ پی ایف یو جے، سی پی این ای، پی بی اے، ایمنڈ سودھے سارے سٹیک ہولڈرز نال مشورہ تھیے۔ ایں بل اچ وݙی تبدیلی اظہار رائے بارے آرٹیکل 19 اتے مس انفارمیشن، ڈس انفارمیشن دی تعریف دی شمولیت ہئی، ترمیمی بل اچ چیئرمین پیمرا دے اختیارات ڳھٹ کیتے ڳئن۔ انہاں آکھیا جو میں میڈیا ورکز نال مشکلاں کوں نیڑے توں ݙٹھے، ورکنگ جرنلسٹس اتے میڈیا ورکرز جیڑھے اوکھے حالات اچ آپݨے اداریاں کیتے کم کریندن۔ میڈیا ورکرز اتے صحافیاں دی تنخواہیں کوں ایں بل اچ تحفظ ݙتا ڳئے۔ جیڑھا ادارہ صحافیاں اتے میڈیا ورکز دے بقایے ݙو مہینے اچ کائنا ݙیسی اونکوں حکومت پاکستان بزنس کائنا ݙیسی اتے صحافیاں اتے میڈیا ورکرز کیتے ڳھٹ توں ڳھٹ اجرت دے قانون تے عملدرآمد ایں بل اچ یقینی ٻݨایا ڳئے۔

مضمون کا ماخذ : میگا فارچیون

متعلقہ مضامین