عمران خان دی فسطائیت ، ملک دشمنی اتے ملک تے حملہ آور تھیوݨ دا بندوبست کیتا ویندا پئے ،وزیر اطلاعات مریم اورنگزیب دا ٹویٹ

اسلام آباد۔18مئی(اے پی پی):وفاقی وزیر اطلاعات و نشریات مریم اورنگزیب آکھیے عمران خان دی فسطائیت ، ملک دشمنی اتے ملک تے حملہ آور تھیوݨ دا بندوبست کیتا ویندا پئے ، بندوبست تھیندا پئے تے اڳوں سیاست دے لبادے اچ کوئی ملک دشمنی نہ کرے۔ عمران خان دے بیان تے آپݨا ردِ عمل ݙیندے ہوئیں آپݨے ھک ٹویٹ اچ وفاقی وزیر اطلاعات آکھیے حکومت ایجھا بندوبست کریندی پئی اے جو اڳوں کوئی ریاست تے حملہ آور نہ تھی سڳے ۔ اڳوں کوئی شہدا تےغازیاں دی یادگاراں دی بے حرمتی نہ کر سڳے ۔ انہاں آکھیے عمران خان لوکاں دیاں دھیریں دے گھراں تے حملے کرائے ، دھیریں کوں والدین دے سامݨے گرفتار کیتا ،‏لوکاں دیاں بھیݨیں کوں گھیلیا ایندے باوجود کوئی عمران خان وانڳوں ملک تے حملہ آور نی تھیا ۔انہاں آکھیے عمران خان سیاست دا لبادہ پاکراہیں ملک اتے عوام کوں سزا ݙتی، ملکی معیشت کوں چھوڑیا نہ عوام دے روزگار کوں چھوڑیا۔ وفاقی وزیر اطلاعات آکھیے‏ بندوبست تھیندا پئے تاں جو پاکستان دی تاریخ اچ اڳوں کوئی اے کوشش تے ملک دشمنی دی جرات نہ کرسڳے ۔

مضمون کا ماخذ : لکی لیڈیز چارم

متعلقہ مضامین