وزیراعظم شہباز شریف دی مسلم لیگ (ق)دے صدر چوہدری شجاعت حسین دی لاہور رہائش گاہ آمد، خیریت پچھی تے پھل پیش کیتے

لاہور ۔18دسمبر(اے پی پی) وزیراعظم محمد شہباز شریف لاہور اچ چوہدری شجاعت حسین دی رہائش گاہ تے ڳئں انہاں دی خیریت پچھی ۔ وزیراعظم چودھری شجاعت حسین کوں پھلاں دا گلدستہ وی پیش کیتا۔ وزیر اعظم آفس دے میڈیا ونگ توں جاری بیان موجب وفاقی وزرا طارق بشیر چیمہ، چوہدری سالک حسین، وزیراعظم دے معاون خصوصی ملک محمد احمد خان وی ملاقات اچ موجود ہن۔ وزیراعظم شہباز شریف اتے چوہدری شجاعت حسین سیاسی صورتحال تے ڳالھ مہاڑ کیتی ۔ وزیراعظم معیشت دی بحالی اتے عوام دے ریلیف دے حوالے نال کوششاں دا چوہدری شجاعت حسین کوں ݙسایا ۔ چوہدری شجاعت حسین ملک اتے عوام کوں مسئلیں توں کڈھݨ کیتے وزیراعظم دی مخلصانہ کوششاں دی تعریف کیتی ۔ ݙوہیں قائدین سانجھے تعاون اتے اشتراک عمل کوں مزید بہتر اتے مظبوط بݨاوݨ تےاتفاق کیتا۔ ݙوہیں قائدین ایں ڳالھ تے وی اتفاق کیتا جو سیاسی استحکام اتے نیڑے تعاون ملک کوں پیش آندے مسئلیں توں کڈھݨ کیتے ضروری اے۔

مضمون کا ماخذ : رومن دولت

متعلقہ مضامین