اسلام آباد۔22ستمبر (اے پی پی) پاک فضائیہ خیبرپختونخوا، سندھ، بلوچستان تے جنوبی پنجاب دے چھل متاثرین کیتے انسانی ہمدردی دی بنیاد تے طبی امداد ݙیوݨ اتے بحالی دی کاروائیاں اچ مصروف اے۔ پاک فضائیہ دے ٻݨائے ڳئے میڈیکل لیب کلیکشن پوائنٹس چھل متاثرین اچ وݙے پیمانے تے کھنݙݨ آلی پاݨی دی بیماریاں جینویں،گیسٹرو، ڈینگی، ملیریا، ہیضہ اتے پیچش دی تشخیص دے عمل اچ مصروف ہن۔ پاک فضائیہ دے فیلڈ میڈیکل کیمپاں اچ چھل متاثرین کوں مفت دوائیں اتے طبی سہولتاں ݙتی ویندی پئن۔