اسلام آباد۔23جون(اے پی پی) افغانستان دے زلزلہ متاثرین کیتے پاکستان امدادی سامان ٻھڄوا ݙتے۔ اسلام آباد توں این ݙی ایم اے ولوں 9 ٹرکاں تے ونڄݨ آلے امدادی سامان اچ رہائشی خیمے، ترپال، کمبل اتے ضروری ادویات شامل ہین۔ پاکستان افغان حکومت اتے افغان عوام کوں ایں اوکھ اچ پورا ہتھ ونݙاوݨ دا یقین ݙیوائے۔ افغانستان اچ شدید زلزلے نال تھیوݨ آلی تباہی اچ ہک ہزار توں ودھ شہری موئن اتے سیکڑاں زخمی ہین۔