(ق) لیگ نال کوئی ناراضگی کائنی ، پنڄ سال تئیں حکومت دے کٹھے رہسن، گورنر پنجاب چوہدری محمدسرور دی مزار اقبال تے پھلاں دی چادرچڑھاوݨ دے بعد میڈیا نال ڳالھ مہاڑ

APP53-09 LAHORE: November 09 - Governor Punjab Chaudhry Muhammad Sarwar offering Dua after laying floral wreath during change of guard ceremony to pay homage to the Poet of the East Allama Muhammad Iqbal on his 143 birthday anniversary at Mazar-e-Iqbal. APP Photo by Mustafa Lashari

لاہور۔9نومبر(اے پی پی)گور نر پنجاب چوہدری محمدسرور آکھیا جو (ق) لیگ نال کوئی ناراضگی کائنی ، پنچ سال تئیں حکومت دے کٹھے رہسن،اپوزیشن دے کہیں رُکن دی گرفتاری دا حکومت نال کوئی تعلق کائنی،اساں سیاسی انتقام تے یقین نئیں رکھدے،عوام اپوزیشن دے بیانیہ کوں مسترد کیتے، الیکشن2023 توں پہلے کہیں صورت نہ تھیسن،اپوزیشن اے چاہندی اے جو احتساب مکاوݨ کیتے مذاکرات کیتے ونڄن، اینجھا سوال ہی پیدا نئیں تھیندا،نیب سودھے سارے ادارے آزادی نال کم کریندے پئن۔ گورنر پنجاب چوہدری محمدسرور آکھیا جو(ن) لیگ اتے پیپلزپارٹی سودھے ٻیاں سیاسی جماعتاں دے خلاف عدالتاں اچ اڄ جیڑھے وی مقدمات ہن اے سارے انہاں ہک ٻئے دے خلاف آپ بݨائن، تحریک انصاف کہیں دے خلاف کوئی مقدمہ نئیں بݨایا۔ ہک سوال دے ولدے اچ چوہدری محمدسرور آکھیا جو اپوزیشن چاہندی اے جو تحر یک انصاف دی حکومت ختم تھی ونڄے ،ملک اچ احتساب رک ونڄے، اے کم نئیں تھی سڳدے ۔ اُنہاں آکھایا جو اپوزیشن کولوں ملکی ترقی و خوشحالی اتے عوام کوں ریلیف ݙیوݨ بارے کوئی تجاویز ہن تاں سامݨے گھن تے آون، انہاں نال صرف عوامی ایشوز تے مذاکرات تھی سڳدن باقی کرپشن دے خاتمے تے کہیں قسم دا سمجھوتہ اتے ڳالھ نہ تھیسی۔

مضمون کا ماخذ : لوٹوفاسیل

متعلقہ مضامین