اسلام آباد – 25 – اپريل (اي پي پي) وزيراعظم محمد شهباز شريف اڄ خميس ڏينهن ايبٽ آباد جو دورو ڪيو ۽ شهيد ڪسٽمز انسپيڪٽر سيد حسنين علي ترمذي جي رهائشگاهه تي فاتحه خواني ڪئي. وزيراعظم آفيس جي ميڊيا ونگ پاران جاري بيان موجب وزيراعظم ڊيره اسماعيل خان ۾ ڪسٽمز عملدارن تي دهشتگرد حملي ۾ شهيد ٿيندڙ ڪسٽمز انسپيڪٽر سيد حسنين علي ترمذي جي گهرڀاتين سان ملاقات ڪئي. وزيراعظم اسمگلرن پاران دهشتگرد حملن ۾ شهيد ٿيندڙ ڪسٽمز اهلڪارن جي لاءِ شهيدن جي لاءِ خصوصي وزيراعظم پئڪيج جو اعلان پڻ ڪيو.