عالمی برادری بھارت کوں مقبوضہ جموں وکشمیر اچ ظلم و بربریت، انسانی حقوق دیاں خلاف ورزیاں توں روکے، صدر آصف علی زرداری

اسلام آباد۔5جنوری(اے پی پی)صدر مملکت آصف علی زرداری آکھیے جو بھارت 7 ݙھاکیاں توں غیر قانونی طور تے بھارتی زیرتسلط جموں و کشمیر دے عوام کوں انہاں دے حق توں محروم کیتا ہوئے، عالمی برادری بھارت کوں مقبوضہ جموں وکشمیر اچ ظلم و بربریت، انسانی حقوق دیاں خلاف ورزیاں توں روکے۔ اڄ کشمیریاں دے یوم ِحق ِخود اِرادیت تے سنیہے اچ صدر مملکت آصف علی زرداری آکھیے جو آج کشمیری اقوامِ متحدہ دے کمیشن برائے ہندوستان اتے پاکستان دی منظور کیتی قرارداد دی 76 ویں سالگرہ منیندے پن، جیندے مطابق تنازعہ جموں و کشمیر دا حل اقوامِ متحدہ دی سرپرستی اچ جمہوری انداز نال آزادانہ و غیر جانبدارانہ استصواب رائے نال کرݨ دا فیصلہ تھیا ہا۔ صدر افسوس کیتے جو بھارت کوں مظالم توں روکݨ آلا کوئی وی کائنی، ٻھارت کشمیریاں کوں مسلسل جبر، تشدد و بربریت دا نشانہ ٻݨیدا پئے اتے مقبوضہ وادی اچ آبادیاتی و سیاسی ڈھانچے کوں بدلݨ دیاں کوششاں جاری ہین، بھل مظالم دے باوجود کشمیری عوام دا جذبہ اتے جدوجہد ِآزادی دبایا نئیں ونڄ سڳدا۔ بین الاقوامی برادری، اقوام ِمتحدہ، کشمیریاں نال وعدے دی تکمیل و مقبوضہ جموں و کشمیر دے لوکاں کوں انہاں دا ناقابل تنسیخ حق ِخود ارادیت ݙیواوݨ کیتے کردار ادا کرن۔ پاکستان اقوام متحدہ دی سلامتی کونسل دی قرارداداں دے مطابق بہادر کشمیری عوام دی منصفانہ جدوجہد اتے حق ِخودارادیت کیتے انہاں دی مکمل سیاسی، سفارتی و اخلاقی حمایت جاری رکھسی۔

مضمون کا ماخذ : loteria com prêmio acumulado

متعلقہ مضامین