سرینگر تے ٻئے علاقیں اچ پوسٹر لڳ ڳئن، اقوام متحدہ دی قرارداداں تے عملدرآمد دا مطالبہ

سرینگر۔2جنوری(اے پی پی) بھارت دے غیر قانوی زیر تسلط جموں و کشمیر اچ سرینگر سودھے مختلف علاقیں اچ پوسٹرلڳ ڳئن جنہاں اچ اقوام متحدہ تے زور ݙتا ڳئے او کشمیر جھیڑے کوں حق خودارادیت دی بنیاد تے حل کرے جیں دا وعدہ کشمیریاں نال 5جنوری 1949دی منظور شدہ قرارداد اچ کیتا ڳئے ۔کشمیر میڈیا سروس موجب آزادی پسند تنظیماں جموں و کشمیر ڈیموکریٹک موومنٹ ، جموں و کشمیر پولیٹکل ریزسٹنس مومنٹ، جموں وکشمیر صدائے مظلوم اتے سٹوڈنٹس اینڈ یوتھ فورم دی طرفوں لاتے ڳئے پوسٹراں اچ عالمی ادارے تے زور ݙتا ڳئے جو او کشمیریاں دے حق خودارادیت دی خلاف ورزی دا نوٹس گھنے جیں کوں اقوام متحدہ دی سلامتی کونسل آپݨی 5 جنوری 1949دی منظورکیتی ڳئی قرارداد اچ من ڳھدے اے پوسٹرفیس بک اتے ٹوئٹرز سودھے سوشل میڈیا دی ویب سائٹس تے وی ݙٹھے ونڄ سڳدن ۔ اقوام متحدہ دی سلامتی کونسل 5جنوری 1949کوں ھک قرارداد منظور کیتی ہئی جیں اچ کشمیریاں دا اے حق منیا ڳیا ہئی جو او اقوام متحدہ دی زیر نگرانی استصواب رائے دے ذریعے اپݨے سیاسی مستقبل دا فیصلہ خود کریسن ۔ پوسٹراں اچ اقوام متحدہ کوں یاد ݙیوایا ڳئے جو او کشمیر دے پراݨے جھیڑے کوں حل کرݨ کیتے آپݨی متعلقہ قرارداداں تے عملدرآمد کراوے۔پوسٹرا ں اچ غیر قانونی طور تے نظربند اتے شہید حریت رہنماواں دیاں تصویراں وی لڳیاں پئن جنہاں اچ قائد حریت شہید سید علی گیلانی ،شہید محمد اشرف صحرائی ،شہید شیخ عبد العزیز ، مسرت عالم بٹ، شبیر احمد شاہ ، میرواعظ عمرفاروق، محمد یاسین ملک ،مشتاق الاسلام، آسیہ اندرابی اتے ڈاکٹر حمید فیاض شامل ہن ۔

مضمون کا ماخذ : لیپریچون کی خوش قسمتی۔

متعلقہ مضامین