وزیرِ اعظم شہباز شریف ݙو ݙینھ دے سرکاری دورے تے بیجنگ پڄ ڳے، اعلیٰ چینی حکام پرتپاک استقبال کیتا

بیجنگ۔1نومبر (اے پی پی) وزیرِ اعظم شہباز شریف ݙو ݙینھ دے سرکاری دورے تے بیجنگ پڄ ڳے۔ منگل کوں بیجنگ ایئرپورٹ تے وزیرِاعظم محمد شہباز شریف دا اعلیٰ چینی حکام پرتپاک استقبال کیتا۔ وزیرِ خارجہ بلاول بھٹو زرداری، وزیرِ خزانہ اسحاق ڈار، وفاقی وزیرِ مواصلات مولانا اسعد محمود، وفاقی وزیرِ منصوبہ بندی و خصوصی اقدامات احسن اقبال، وفاقی وزیرِ اطلاعات مریم اورنگزیب، وفاقی وزیرِ ریلوے و ہوابازی خواجہ سعد رفیق، وفاقی وزیرِ سرمایہ کاری بورڈ چوہدری سالک حسین، وفاقی وزیرِ دفاعی پیداوار سردار اسرار ترین،معاونینِ خصوصی طارق فاطمی، سید فہد حسین، ظفر الدین محمود، جہانزیب خان اتے وزیرِ اعلی سندھ سید مراد علی شاہ وزیرِ اعظم نال ہن۔ 11 اپریل 2022 کوں وزارت عظمیٰ دا منصب سنبھالݨ دے بعد وزیراعظم شہباز شریف دا اے چین دا پہلا دورہ اے۔ وزیراعظم شہباز شریف چین دی ریاستی کونسل دے وزیراعظم لی دی چیانگ دی دعوت تے اے دورہ کریندے پن۔ کمیونسٹ پارٹی چین دی 20ویں نیشنل کانگریس دے تاریخی انعقاد اتے صدر شی جن پنگ دے تریجھی واری جنرل سیکرٹری منتخب تھیوݨ دے بعد وزیراعظم شہباز شریف چین دا دورہ کرݨ آلے پہلے رہنماواں اچوں ہن۔ وزیراعظم ایں دورے اچ چین دے صدر شی جن پنگ نال ملاقات کریسن۔ ݙوہیں ملکاں دے وزرائے اعظم وچال وفود دے سطح تے مذاکرات تھیسن۔ ݙوہیں ملک دے قائدین سٹرٹیجک کوآپریشن پارٹنرشپ دا جائزہ ڳھنسن۔ ملاقاتاں اتے اجلاساں اچ علاقائی اتے عالمی سطح تے صورتحال تے وی ڳالھ تھیسی۔ دورے نال ݙوہیں ملکاں وچال ݙو پاسہ تعاون ایجنڈے تے پیش رفت تھی سڳدی اے۔ دورے اچ مفاہمت دی کئی یادداشتاں اتے معاہدیاں تے دستخط تھیوݨ دا وی امکان اے۔ ایں دورے نال چین پاکستان اقتصادی راہداری دی رفتار ٻئی ودھسی۔ سی پیک بارے مشترکہ تعاون کمیٹی (جے سی سی) دا یاھواں اجلاس 27 اکتوبر 2022 کوں تھیا ہئی۔

مضمون کا ماخذ : کنگ میکر

متعلقہ مضامین