کوئٹہ۔17ستمبر(اے پی پی)وفاقی وزیر ایوی ایشن خواجہ سعد رفیق کوئٹہ ایئر پورٹ دا دورہ کیتے اتے اتھاں مسافراں کیتے سہولتاں دا جائزہ ڳھدے۔ وفاقی وزیر ایئرپورٹ تے ودھ سہولتاں ݙیوݨ دی ہدایت کیتی۔ وفاقی وزیر کوں سول ایوی ایشن اتے پی آئی اے حکام بریفنگ ݙتی۔ وفاقی وزیر ایوی ایشن خواجہ سعد رفیق آکھیا جو ٻیاں نجی ایئرلائنز کوں وی کوئٹہ کیتے اپݨا فضائی آپریشن شروع کرݨا چاہیدے، اے ساݙی قومی ذمہ واری اے جو اساں ملک دے دور پریں دے علاقیاں کوں فضائی رابطہ نال جوڑوں۔