اسلام اقلیت دے حقوق دی مکمل پاسداری دا درس ڈیندے ،وفاقی وزیر مذہبی امور پیر نور الحق قادری

اسلام آباد ۔ 29 جولائی (اے پی پی) وفاقی وزیر مذہبی امور و بین المذاہب ہم آہنگی پیر نور الحق قادری آکھیے جو اسلام اقلیتاں دے حقوق دی مکمل پاسداری دا درس ڈیندے ، ریاست مدینہ اچ اقلیتاں کوں ہرطرح دی مذہبی آزادی اتے حقوق حاصل ہن ، وزیر اعظم عمران خان دے ویژن دے مطابق اقلیتاں دے مسائل نال اساں چشم پوشی نی کرسگدے ، نویں پاکستان اچ ساریاں اقلیتاں محفوظ ہوسن۔اے گال انہاں سنوار کوں ایوان صدر اچ اقلیت دے حوالے نال ہک خصوصی تقریب نال خطاب کریندے ہوئیں آکھی اے ۔ تقریب اچ صدر مملکت ڈاکٹر عارف علوی، وزیر اعظم عمران خان، وزیر اعظم دی معاون خصوصی اطلاعات و نشریات ڈاکٹر فردوس عاشق اعوان سمیت ارکان پارلیمنٹ اتے اقلیتی برادری نال تعلق رکھنڑ آلے لوکاں وڈی تعداد اچ شرکت کیتی۔ پیر نورالحق قادری آکھیا جو ایں تقریب اچ صدر اتے وزیر اعظم دا موجود ہوونڑ تے اقلیت کیتے ایوان صدر دے دروازے کھولنڑایں گال دا ثبوت اے جو عمران خان دی حکومت اقلیتاں کوں کتنی اہمیت ڈیندی اے ، اے ہک پیغام ڈیونڑ دی کوشش اے ۔انھاں آکھیا جو ہولی ، دیوالی اتے بیساکھی ہووے یا بہائیوں اتے کیلاش کمیونٹی دے مذہبی تہوار ہوون اساں دے تقریباں منیندوں ، ایندا مقصد اے جو بلا تمیز رنگ، نسل تے مذہب پاکستان ساریں دا اے ۔

مضمون کا ماخذ : جنگل وائلڈ

متعلقہ مضامین