پاکستان اچ چھل دی تباہ کاریاں ہولناک ہن، پاکستان ݙوجھے ملکاں دی ٻݨائی ڳئی آلودگی توں براہ راست متاثر تھیندا پئے، چھل پاروں تھیوݨ آلے نقصان پورا کرݨ کلھے پاکستان دے وسائل نال ممکن کائنی، انتونیو گوتریس

لاڑکانہ۔10ستمبر (اے پی پی) اقوام متحدہ دے سیکرٹری جنرل انتونیو گوتریس آکھیا جو پاکستان اچ چھل دی تباہ کاریاں ہولناک ہن، پاکستان ݙوجھے ملکاں دی ٻݨائی ڳئی آلودگی توں براہ راست متاثر تھیندا پئے، چھل پاروں تھیوݨ آلے نقصان پورا کرݨ کلھے پاکستان دے وسائل نال ممکن کائنی۔ دنیا دی ذمہ واری اے جو اوکھے ویلھے پاکستان نال تھیوے۔ چھݨ چھݨ کوں وزیراعظم محمد شہباز شریف اتے وزیر خارجہ بلاول بھٹو زرداری دے رلے اقوام متحدہ دے سیکرٹری جنرل لاڑکانہ اچ چھل متاثرہ کیمپ دا دورہ کیتا۔ ایں موقع تے وزیراعظم محمد شہباز شریف ڳالھ مہاڑ کریندیں ہوئیں آکھیا جو اقوام متحدہ دے سیکرٹری جنرل اتھاں چھل توں متاثرہ علاقیاں دی صورتحال ݙیکھݨ آئن، ایں ہولناک چھل اچ 1300 توں ودھ لوک جاں بحق تھین، ہزاراں زخمی، لکھاں بے گھر تھین، وݙے پیمانے تے کھڑی فصلاں دا نقصان تھیے۔ سندھ اچ ساریاں توں ودھ تباہی تھئی اے۔ ہر پاسے پاݨی پاݨی اے۔ اقوام متحدہ دے سیکرٹری متاثرین نال ہمدردی واسطے آئن۔ وفاقی اتے صوبائی حکومتاں رَل تے تساݙی خدمت کیتے حاضر ہن۔ انہاں آکھیا جو بے نظیر انکم سپورٹ پروگرام دے ذریعے25 ہزار روپے فی ٹٻر متاثرین اچ تقسیم کیتے ویندے پئن۔ ایں کیتے وفاق ستر ارب روپے ݙیندا پئے۔ اقوام متحدہ دے سیکرٹری جنرل انتونیو گوتریس آکھیا جو اقوام متحدہ ولوں ایں اندوہناک سانحے تے تساں نال یکجہتی اتے ہمدردی کریندوں۔ ترقی یافتہ ملکاں ماحولیات کوں آلودہ کر ݙتے۔ صنعتاں پاروں آلودگی کرہ ارض دی حدت اچ وݙی حد تئیں ودھا ݙتی اے۔ انہاں آکھیا جو پاکستان ایں ماحولیاتی آلودگی دا ذمہ وار کائنی پر ݙوجھے ملکاں دی ٻݨائی ڳئی آلودگی دا شکار اے۔ انہاں آکھیا جو پاکستان دی اڄوکی صورتحال تے وݙے پیمانے تے مدد دی لوڑھ اے۔ چھل پاروں متاثرین دی بحالی اتے تعمیر نو دے مرحلے، گھراں دی تعمیر، کاشتکاراں دے نقصان دے ازالے کیتے وݙے وسائل دی لوڑھ اے پر کلھا پاکستان اتنے وسائل نی رکھیندا او ایندا ازالہ کر سڳے۔ جنہاں ملکاں دے حالات پیدا کیتن انہاں دی ذمہ واری اے جو او ایں صورتحال نال نکلݨ اچ پاکستان دی مدد کرن۔ سیکرٹری جنرل آکھیا جو آلودگی دا باعث ٻݨݨ آلے ملک فطرت دے خلاف آپݨی جنگ بند کرن۔ ایں موقع تے وزیر خارجہ بلاول بھٹو زرداری آکھیا جو متاثرین کیتے فی ٹٻر پنجوی ہزار روپے وفاقی ولوں پیش کرݨ تے وزیراعظم دا شکریہ ادا کریندوں۔ متاثرین دی ایں نقد امداد نال کجھ نہ کجھ دادرسی تھیندی پئی اے۔

مضمون کا ماخذ : سامرائی کی خوش قسمتی۔

متعلقہ مضامین