اسلام آباد۔26جولائی(اے پی پی) پارلیمنٹ دے سانجھے اجلاس اچ مختلف سیاسی جماعتاں دے ارکان اعتراض دے نکتے تے ڳالھ کریندے ہوئیں مسئلیں کوں چاتے ۔ پارلیمنٹ دے سانجھے اجلاس اچ اعتراض دے نکتے تے رکن قومی اسمبلی قادر مندوخیل آکھیے قرآن کریم دی بے حرمتی دے واقعات تے ایں ایوان توں قرارداد آوݨی چاہید?? اے، بطور مسلمان اساں اقلیتی برادریاں دی مقدس کتاباں دا احترام کریندوں مگر مغرب اچ ہر ݙینھ اسلامی شعائر دی بے حرمتی کیتی ویندی پئ?? اے ، ایجھے ملکاں دے خلاف سویڈن اتے ٻئے ملکاں دے سفیراں کوں دفتر خارجہ سݙ تے شدید احتجاج کیتا ونڄے تے انہاں سفیراں کوں ملک بدر کیتا ونڄے ایجھے ملکاں نال سفارتی تعلقات دا کوئی فیدہ کائنی ۔ سپیکر راجہ پرویز اشرف آکھیے سویڈن واقعہ تے مشترکہ اجلاس اچ قرارداد پاس تھئی ہئی ، پورے ایوان ایندی مذ??ت کیتی ہئی ۔ سینیٹر دنیش کمار آکھیے کچے دے ڈاکواں ھک مندر اچ بھن تروڑ کیت?? اے ، سندھ دے ڈاکواں ہندو کمیونٹی کوں تڑی ݙت?? اے جو سیما حیدر کوں تساں لوک بازیاب کرا تے ملک واپس گھن آؤ ، انہاں آکھیے پاکستان اچ رہݨ آلے ہندو یں ملک کوں آپݨی ما سمجھدن تے ملک کیتے ساݙی رت وی حاضر اے ، گھوٹکی اتے کندھ کوٹ دے ہندو ہݨ ݙر کنوں مندراں اچ نی ونڄ سڳدے ایں صورت حال دا نوٹس ڳھدا ونجے ، سپیکر کوں ایں تے رولنگ ݙیوݨی چاہید?? اے ۔ رکن قومی اسمبلی کیسو مل داس آکھیے او سمجھدن جو پاکستان اچ رہݨ آلے سارے مذہب دے لوک برابر دے شہری ہن ، سیما حیدر دے واقعہ تے کجھ شر پسند حالات کوں خراب کرݨ چاہندن اساں پنج ہزار سال توں ایں خطے اچ آباد ہیسے ، کچے دے ڈاکوواں دے خلاف ہدف تے مبنی آپریشن کیتا ونڄے ۔ رکن قومی اسمبلی مولانا عبدالاکبر چترالی آکھیے دستور پاکستان اچ سارے مذہب دے لوک برابر دے شہری ہن ، سندھ اچ ڈاکوواں دی ہندو کمیونٹی کوں تڑی آئین پاکستان کوں تڑی ݙیوݨ دے مترادف اے۔ انہاں آکھیے کچے دے ڈاکوواں دے خلاف آپریشن نی کیتا ویندا پیا ۔ سپیکر راجہ پرویز اشرف آکھیے اساں سارے آئین اتے اقلیتاں دے نال ہیسے تے انہاں دے حقوق دا تحفظ کریسوں ۔ رکن قومی اسمبلی غوث بخش مہر آکھیے ساݙے علاقے بدستور پسماندہ ہن، انگریز دے نظام دی اساں مذ??ت کریندوں تے اسلامی نظام کوں وی نافذ نئی کرݨ ݙیندے ۔
