قومی ایئر لائن وی ایس ایس دے تحت 1870 ملازمین کوں مجموعی طور تے 9.6 ارب روپے ادا کریسی

اسلام آباد۔11مارچ (اے پی پی):قومی ایئر لائن پی آئی اے ملازمتاں توں رضاکارانہ برخاستگی سکیم (وی ایس ایس) دے تحت درخواستاں ݙیوݨ آلے کل 1870 ملازمین کوں مجموعی طور تے 9.6 ارب روپے ادا کریسی ۔ پی آئی دے ترجمان عبداللہ خان خمیس کوں اتھاں اے پی پی کوں ݙسایا جو وی ایس ایس دے تحت مختلف کیٹگریز دے 1925 ملازمین درخواستاں دے ذریعے آمادگی دا اظہار کیتا ہئی جیں اچوں 1870 ملازمین کوں وی ایس ایس ݙتے ونڄݨ دی منظوری ݙتی ڳئی اے جنہاں کوں ادائیگیاں دا سلسلہ شروع کر ݙتا ڳئے ۔ سی ای او پی آئی اے ایئر مارشل ارشد ملک دیاں کوششاں دے بعد رضا کارانہ سکیم دیاں ادائیگیاں اڄ توں باقاعدہ شروع تھی ڳئن سو توں ودھ لوکاں کوں پوریاں ادائیگیاں کرݙتیاں ڳئن ۔ پی آئی اے دے چیف فانینشل افسر خلیل اللہ شیخ ایں حوالے نال ہیڈ آفس کراچی اچ معاوضیں دے چیک تقسیم کیتے۔ پی آئی اے حکومتی منظوری دے بعد سکیم متعارف کروائی ہئی جیں دے تحت وزارت خزانہ 9.6 ارب روپے مختص کیتے۔ سی ای ا و پی آئی اے ایئر مارشل ارشد ملکولوں رقماں دیاں ادائیگیاں تے وزارت ہوابازی اتے اکاؤٹنٹ جنرل آف پاکستان دا شکریہ ادا کیتے۔

مضمون کا ماخذ : sorteios quina

متعلقہ مضامین