ٻالاں دے تحفظ کیتے زینب الرٹ رسپانس اینڈ ریکوری ایکٹ دے موثر نفاذ اتے آگاہی دی لوڑھ اے، صدر مملکت

اسلام آباد۔13دسمبر(اے پی پی)صدر مملکت ڈاکٹر عارف علوی زینب الرٹ رسپانس اینڈ ریکوری ایکٹ (زیڈ اے آر آر اے )بارے شعور ودھاوݨ اتے ٻالاں دے تحفظ کیتے ایندے موثر نفاذ دی لوڑھ تے زور ݙتے، سارے صوبیاں دی پولیس اتے زینب الرٹ رسپانس اینڈ ریکوری ایجنسی سودھا مختلف سٹیک ہولڈرز وچال موثر رابطہ کاری اتے معلومات دا فوری اشتراک لاپتہ اتے مغوی ٻالاں دی ویلھے تے بازیابی اچ مدد کرسڳدے۔ صدر مملکت اے ڳالھ ایوان صدر اچ زینب الرٹ رسپانس اینڈ ریکوری ایکٹ 2020 دے نفاذ بارے اجلاس دی صدارت کریندے آکھی۔ اجلاس اچ سیکرٹری وزارت انسانی حقوق اللہ ڈینو خواجہ، آئی جی اسلام آباد، ایڈیشنل آئی جیز سندھ، بلوچستان، کے پی کے اتے پنجاب پولیس، این جی اوز دے نمائنداں اتے حکومت دے اعلیٰ حکام شرکت کیتی۔ سیکرٹری انسانی حقوق زینب الرٹ رسپانس اینڈ ریکوری ایکٹ 2020 بارے تفصیلی پریزنٹیشن ݙتی۔ اجلاس اچ ضلعی و کمیونٹی دی سطح تے پولیس افسران کیتے تربیتی ماڈل ٻݨاوݨ تے اتفاق کیتا گیا تاں جو لاپتہ ٻالاں دی تیکھے بازیابی کیتے فوری اتے ویلھے تے کارروائی کرݨ کیتے آگاہ کیتا ونڄ سڳے۔

مضمون کا ماخذ : بونانزا

متعلقہ مضامین