سندھ اتے بلوچستان دے وزرا اعلیٰ اتے سارے متعلقہ محکمے رَل تے کھڑے چھل دے پاݨی کوں کݙھݨ دی حکمت عملی ٻݨاون، وزیراعظم شہباز شریف دی ہدایت

صحبت پور۔17اکتوبر (اے پی پی) وزیراعظم محمد شہباز شریف آکھیا جو سندھ اتے بلوچستان دے وزرا اعلیٰ اتے سارے متعلقہ محکمے رَل تے کھڑے چھل دے پاݨی کوں کݙھݨ دی حکمت عملی ٻݨاون۔ وزیراعظم کوں ݙسیا ڳیا جو 88 فیصد متاثرین اچ 25 ہزار روپے دی نقد رقم تقسیم کر ݙتی ڳی اے۔ گھراں دے نقصان تے معاوضے دی رقم ݙیوݨ دا کم وی جلدی شروع کر ݙتا ویسی۔ علاقے اچ کھڑا پاݨی فصلاں دی بجائی کیتے وی استعمال اچ آندا ونڄ سڳدے۔ سنوار کوں بلوچستان دے چھل توں متاثرہ علاقے صحبت پور دے دورہ دے موقع تے وزیراعظم کوں ݙسیا ڳیا جو ماڈل سکول دا پی سی ون ٻݨا ݙتا ڳئے، سکول کوں جلدی فعال کر ݙتا ویسی ۔وزیراعظم کوں ݙسیا ڳیا جو چھل توں متاثرہ پنڄ ضلعیاں اچ مشینری کم کریندی پی اے۔ وبائی امراض کوں روکݨ کیتے سپرے کیتا ڳے۔ 11 ہزار 126 ٹبراں کوں 25 ہزار روپے فی کس دی امداد کر ݙتی ڳی اے۔ وزیراعظم ایں موقع تے کاشتکاراں کوں بج ڈیوݨ بارے ڈسیا جو ایں کیتے 16 ارب روپے دا پلان ٻݨا تے ٻھیج ݙتا ڳے۔ ایں بارے 25 اکتوبر کوں اسلام آباد اچ اجلاس رکھیا ڳے۔ ایں موقع تے ڳالھ کریندیں ہوئیں وزیراعظم محمد شہباز شریف آکھیا جو صحبت پور دا علاقہ بلوچستان اچ چھل توں بری طرح متاثر تھیے، اتھاں ہر پاسے پاݨی کھڑے، پاݨی دی سطح ڳھٹ تھی اے پر اڄاں موجود اے۔ ایں موقع تے وزیراعظم دے رلے وزیراعلیٰ بلوچستان عبدالقدوس بزنجو اتے بی این پی دے رہنما اختر مینگل وی موجود ہن۔

مضمون کا ماخذ : ایڈونچر کی کتاب

متعلقہ مضامین