وزیراعظم محمد نوازشریف دا لیہ۔تونسہ پل دامنڈھ بدھنڑ دے موقع تے عوام دے کٹھ توں خطاب

APP55-02 LAYYAH: May 02 - Prime Minister Muhammad Nawaz Sharif addressing huge public gathering after laying foundation stone of Layyah-Taunsa Bridge at Sports Complex Ground. APP photo by Qasim Ghauri

لیہ ۔ 2 مئی (اے پی پی)وزیراعظم محمد نوازشریف آکھیا جو اساں سیاست کوں عبادت سمجھدوں،کیچر اچھالنڑ اتے کوڑ الاونڑ آلا لیڈر بنڑنڑ دے حق نی رکھیندے،مخالفین دا ایجنڈا کوڑ الاونڑ اتے فریب اے،اساڈامقصد صرف پاکستان دی ترقی اتے خوشحالی اے،سویل توں رات تئیں اتے رات توں سویل تئیں عوام دی خدمت کریندا رہساں جڈانجو مخالفین سیاست توں بھج ویسن۔اے گالھ انہاں منگل کوں لیہ۔تونسہ پل دامنڈھ بدھنڑ دے موقع تے عوام دے کٹھ توں خطاب کریندیں ہوئیں آکھی۔وزیراعظم وڈی تعداد اچ عوام دے جوش تے جذبے کوں سراہندیں ہوئیں آکھیا جو اگر کہیں کوں غلط فہمی اے تاں او لیہ آ کراہیں ڈیکھ گھنیے،2013دء چنڑائو اچ وی لیہ دی عوام وڈی اکثریت نال مسلم لیگ ن کوں جتا یا اتے اج دا جلسہ2018دی جت دی نوید سنڑیندا پئے ۔وزیراعظم آکھیا جو نواز شریف جیڑھا وعدہ کریندے اونکوں پورا کریندے ،آپنڑے دوستاں کوں کڈاہیں نی بھلدا۔انہاں آکھیا جو مخالفین دا ایجنڈا کوڑ الاونڑ،تخریب اتے فریب اے جیڑھے جو روز مندے کڈھیندن جڈانجو اساں کڈاہیں آپنڑی زبان کوں گندا نی کیتا۔اساڈامقصد صرف پاکستان دی ترقی اتے خوشحالی اے۔انہاں آکھیا جو میں سویل توں رات تئیں خدمت کریندا رہساں۔انہاں آکھیا جو لیہ دا اے وڈا جلسہ شیراں دا کٹھ اے،شیر اتے گیدڑ دا مقابلہ نی تھی سگدا۔انہاں آکھیا جو عوام دی محبت وں ودھ کراہیں بئی وڈی خوش قسمتی کیا تھی سگدی اے ،عوام دی محبت ای میڈا اصل سرمایہ اے۔

مضمون کا ماخذ : سلور لائونیس 4x ضرب

متعلقہ مضامین