بجلی دے سارے منصوبے کوں شیڈول دے مطابق پورے کرنڑ سانگے پرعزم ہیسے ،وزیر اعظم محمد نوازشریف

مجہوئی(آزاد کشمیر) ۔ 12 اگست (اے پی پی) وزیراعظم محمد نواز شریف آکھیا جو بجلی دے سارے منصوبے کوں شیڈول دے مطابق پورے کرنڑ سانگے پرعزم ہیسے تانجو ملک کوں بجلی دی لوڈشیڈنگ توں نجات اتے صنعتی پیداوار کوں ودھارا ملے،نیلم جہلم منصوبے تے کم بئیا تکھا کیتا ونجے اتے روزگار اچ مقامی بندیاں کوں ترجیح ڈتی ونجے۔اے گالھ انہاں جمعہ کوں اتھاں نیلم جہلم ہائیڈرو پاور پراجیکٹ دے دورہ اچ ایں میگا منصوبے تے پیش رفت بارے ڈتی ونجنڑ آلی بریفنگ دے موقع تے آکھی۔ وزیر خزانہ اسحاق ڈار، وزیر پانڑی تے بجلی خواجہ محمد آصف اتے وزیر اطلاعات و نشریات پرویز رشید وی وزیر اعظم دے رلے ہن ۔وزیر اعظم نیلم جہلم ہائیڈرو پاور پراجیکٹ دی ذاتی نگرانی کریندے پئن جئیں نال 969میگاواٹ سستی بجلی ملسی اتے تھرمل پاور دی پیداوار تے انحصار گھٹ ہوسی۔وزیرا عظم آکھیا جو اساں ملک اچوں لوڈ شیڈنگ دے خاتمے سانگے قوم نال کیتے گئے وعدے پوری کرنڑ دی پوری کوشش کریسوں۔منصوبے تے پیش رفت بارے بریفنگ اچ وزیر اعظم کوں ڈسایا گئیا جو 969میگاواٹ سستی پن بجلی حاصل تھیسی،منصوبے تے 85.3فیصد کم پورا تھی گئے ،سرنگاں دی تکمیل اخیری مرحلے اچ اے،سٹیل لائننگ دا ادھا کم پورا جڈانجو ڈیم دے انفراسٹرکچر اتے سپل ویز دا کم 100فیصد پورا تھی گئے۔

مضمون کا ماخذ : امکان ہے کہ میگا سینا

متعلقہ مضامین